फिनएक्स सहकारी सफ्टवेयरद्धारा ‘क्लाइन्ट मिट’ कार्यक्रम सुरु

काठमाडौं । सहकारी संस्थाहरुबीच लोकप्रिय रहेको फिनएक्स सहकारी सफ्टवेयरले प्रयोयकर्ताको राय सुझाव संकलन तथा नयाँ सुविधाहरुबारे जानकारी दिन ‘क्लाइन्ट मिट’ कार्यक्रम सुरु गरेको छ ।

सफ्टवेयर निर्माता कम्पनी जिनव इंक प्रालिको आयोजनामा ‘क्लाइन्ट मिट’ कार्यक्रम चितवनबाट सुरु भएको हो । चितवनको मिड टाउन होटलमा आयोजित कार्यक्रममा जिल्लाभित्र फिनेक्स सफ्टवेयर प्रयोगकर्ता सहकारी संस्थाका संचालक र उच्च व्यवस्थापकहरुको सहभागिता रहेको थियो ।

‘फिनएक्स सहकारी सफ्टवेयर’ मा हाल २० वटा मोड्युल उपलब्ध छन् । कार्यक्रममा प्रयोगकर्ताबाट नयाँ मोड्युलहरूका लागि सुझावहरू संकलन गरिएको थियो । ‘क्लाइन्ट मिट’ कार्यक्रमको उद्घाटन गर्दै कम्पनीकी प्रमुख कार्यकारी अधिकृत रमिता चौधरीले फिनएक्सले हाल प्रदान गर्दै आएका सेवा र थप गर्न लागिएका सुविधाहरुबारे जानकारी गराएकी थिईन । यसैगरी प्रशिक्षकद्धय अतुल झा र किरण पौडेलले फिनएक्स सफ्टवेयरमा उपलब्ध लोन तथा डक्कुमेन्ट प्रोसेसिङ मोड्युल, लोन फलोअप मोड्युल, नो योर मेम्बर (केवाईएम) मोड्युल, कोपोमिस र गोएमएम रिपोटिङ मोड्युलबारे प्रशिक्षण प्रदान गरेकी छन् ।

कार्यक्रममा प्रभात दिदी वहिनि बचत तथा ऋण सहकारीकी अध्यक्ष साधना पोखरेल, ग्रामीण जागरण साकोसका प्रमुख कार्यकारी अधिकृत सिताराम सिलवाल, मध्य नेपाल साकोसका प्रशासन तथा सञ्चालन प्रमुख उमापति भट्टराई (राजु) लगायतका सहभागी सहकारीकर्मीले मन्तव्य राख्दै प्रयोगकर्ताको–केन्द्रीत कार्यक्रमको आयोजनाका लागि फिनएक्स टिमलाई धन्यवाद दिए । कार्यक्रममा सहभागी सहकारीकर्मीहरुले राखेका फिनएक्स सफ्टवेयर र सहकारीमा प्रविधिको प्रयोग सम्बन्धी जिज्ञासालाई अभिषेक लाभ ले सम्बोधन गरेका थिए ।

जिनव इंन्कले फिनएक्स सहकारी सफ्टवेयरलाई ‘एक सम्पूर्ण सहकारी प्रविधि इकोसिस्टम’ का रुपमा विकास गर्दै लगेको छ । सफ्टवेयर प्रयोगकर्तालाई अन्य तेस्रो पक्षको सेवा संचालन गर्नु नपर्ने गरी सहकारीका ऐन कानुन अनुसार सहकारी संस्थाको दैनिक कामका साथै नियामक निकायमा गर्ने रिपोटिङलाई सहज बनाउने उद्देश्यले सेवाहरु विकास गरिएको छ ।

कोशी प्रदेश सहकारी रजिष्ट्रारको कार्यालयले जारी गरेको ‘सहकारी संस्थामा एप्लिकेशन सफ्टवेयर प्रयोग सम्बन्धी कार्यविधि-२०८१’ ले तोकेको मापदण्ड पुरा गरी सूचिकृत भएको सफ्टवेयरमा कोर बैंकिङका अतिरिक्त कर्जा लगानी प्रक्रिया सम्बन्धी विस्तृत मोडल, गो एएमएल, कोपोमिस, पल्स मनिटरिङलगायत नयाँ सुविधाहरु छन् ।

यस्तै सफ्टवेयरमा क्युआर कोड भुक्तानी तथा फर्छौट, मिस्डकलमार्फत मोवाईल रिचार्ज, बैंकबाट सहकारीमा र सहकारीबाट बैंक खातामा रकम ट्रान्सफर, इसेवा खल्तीलगायतका वालेटहरुमा रकम ट्रान्सफर र वालेटबाट सहकारीको खातामा रकम ट्रान्सफर, एटीएम, इ टेलरलगायतका आधुनिक सुविधा उपलब्ध छन् ।

संस्थाले चालु आर्थिक वर्षभित्र उर्लाबारी, ईटहरी, सुर्खेत, दाङ, बुटवललगायतका स्थानहरूमा पनि यस्तो कार्यक्रम गर्ने जानकारी दिएको छ ।