अदालतमा माधव नेपालको बयान सकियो, सरकारी वकिल र कानुन व्यवसायीबीच बहस हुने
नेपालखोज
२०८२ असार ११ गते १४:३८
काठमाडाैं । विशेष अदालतमा नेकपा एकीकृत समाजवादीका अध्यक्ष माधव कुमार नेपालको बयान सकिएकाे छ । न्यायाधीशहरू तेज नारायण सिंह राई, रामबहादुर थापा र विदुर कोइरालाको इजलासमा भएकाे बयान सकिएकाे हाे ।
अब केहीबेरमा सरकारी वकिल र माधव नेपालका कानुन व्यवसायीहरूबीच थुनछेक बहस हुने छ ।
मुद्दा अभियोजन गरेको अख्तियारको तर्फबाट विशेष सरकारी वकिलको कार्यालयका प्रमुख मोहन सागर बश्यालसहित सरकारी वकिलको टोलीले बहस गर्नेछ ।
अख्तियार दुरुपयोग अनुसन्धान आयोगले पतञ्जली जग्गा प्रकरणमा नेपालसहित ९३ जनालाई प्रतिवादी बनाएर विशेष अदालतमा जेठ २२ गते मुद्दा दायर गरेको थियो ।
नेपालविरुद्ध अख्तियारले १८ करोड ५८ लाख ५० हजार रुपैयाँ बिगो जरिवाना र सजाय मागदाबी गरेको छ ।
सम्बन्धित
प्रतिक्रिया