जेलेन्स्कीलाई भेट्न पुटिन तयार छन्, तर वैधतामा प्रश्न : रुसी

काठमाडौं । रुसी विदेशमन्त्री सर्गेई लाभरोभले राष्ट्रपति भ्लादिमिर पुटिन युक्रेनी राष्ट्रपति भोलोदिमिर जेलेन्स्कीलाई भेट्न तयार रहेको बताएका छन् । यद्यपि, उनले जेलेन्स्कीको राष्ट्रपतित्वको वैधतामाथि प्रश्न उठाएका हुन् ।

रूसले लामो समयदेखि जेलेन्स्कीको वैधतामाथि प्रश्न उठाउँदै आएको छ। उनको कार्यकाल मे महिनामा समाप्त भएको थियो, तर किभले भने कि मार्शल लागू भएका कारण उनको शक्ति बढेको छ र उनी अझै पनि राष्ट्रपति छन् ।

जेलेन्स्कीले आइतबार पुटिनसँग प्रत्यक्ष भेट युद्ध रोक्ने सबैभन्दा प्रभावकारी तरिका भएको बताएका थिए ।