पुतलीसडकमा माइक्रोले ठक्कर दिँदा दुई जना घाइते

काठमाडौं । पुतलीसडकमा माइक्रो भ्यानले ठक्कर दिँदा दुई जना बालबालिका घाइते भएका छन् ।

बुधबार पौने १० बजेतिर काठमाडौं-२८ शंकरदेव क्याम्पस नजिकै बा प्र ०१-००२ च ८३२२ नम्बरको भ्यानले दुई जना बालबालिकालाई ठक्कर दिए प्रहरीले जनाएकाे छ ।

भ्यानको ठक्करबाट धनकुटाकी ५ वर्षीया बालिका र ९ वर्षीय बालक घाइते छन् ।

बालिकाको अवस्था सामान्य छ भने बालकको अवस्था गम्भीर छ । बालकको उपचारका लागि अन्नपूर्ण न्यूरो अस्पताल लगिएको छ । बालकको टाउकोमा चोट लागेको छ ।

भ्यान चालक सिन्धुपलान्चोक घर भई भक्तपुर बस्ने २९ वर्षीय रामहरी बिष्ट प्रहरीको नियन्त्रणमा छन् ।