सानिमा बैंकका ग्राहकहरुलाई बीग मार्टमा आकर्षक क्यासब्याक

काठमाडौं । सानिमा बैंकले बीगमार्टमा क्यासब्याक योजनाको पहिलो चरणको अपार सफलता पश्चात् आफ्ना ग्राहकहरुका लागि समय थप गरी योजना पुनः सञ्चालन गरेको छ ।

उक्त योजना अन्तर्गत, सानिमा बैंकका ग्राहकहरुले हरेक शुक्रबार सानिमा डेबिट तथा क्रेडिट कार्ड मार्फत बीग मार्टमामा सामान खरिद गरी भुक्तानी गर्दा १० प्रतिशत वा अधिकतम २०० रूपैयाँसम्मको क्यासब्याक पाउने व्यवस्था गरेको छ ।

यो योजना २०८३ साल असारसम्मका लागि लागू हुनेछ ।बैंकले यसैगरी ग्राहकहरुलाई विभिन्न छुट तथा अफरहरु प्रदान गरी डिजिटल भुक्तानीको अधिकतम प्रयोग गर्न प्रोत्साहन गर्दै आएको छ ।

सानिमा बैंकको देशको सातै प्रदेशमा १३४ वटा कार्यालयहरु तथा १२८ वटा ए.टि.एम.हरु संचालनमा रहेका छन्