एएफसी यू–२३ एसियन कप : नेपाल र ताजिकिस्तान खेल्दै

काठमाडौं । एएफसी २३ वर्षमुनिको एसियन कप छनोटको दोस्रो खेलमा आज नेपाल र ताजिकिस्तान खेल्दै छन् । नेपाल आज पहिलो अंकको खोजीमा हुनेछ ।

खेल नेपाली समय अनुसार बेलुका पौने ८ बजे रिपब्लिकन सेन्ट्रल स्टेडियममा हुनेछ ।

नेपाल पहिलो खेलमा इरानसँग ४–० गोल अन्तरले पराजित भएको थियो । आज ताजिकिस्तान भने लगातार दोस्रो जितको खोजीमा हुनेछ ।

पहिलो खेलमा ताजिकिस्तानले लेबनानलाई हराएको थियो । नेपालले अब आउँदो आइतवार लेबनानसँग खेल्नेछ ।