खुमन र प्रीतिको ‘लकडाउनको दोहोरी’ सार्वजनिक

काठमाडौं । गत चैत्र ११ गते सरकारले देशव्यापी रुपमा घोषणा गरेको लकडाउनमा समयमा कलाकारहरुले पनि दर्शक तथा श्रोताहरुलाई मनोरन्जन गराइरहेका छन् ।

लकडाउनको ४१ औं दिनसम्म आइपुग्दा घरभित्रै बसेर फुर्सदिला भएका आफ्ना दर्शक तथा स्रोताहरुलाई कलाकारहरुले मनोरञ्जन दिलाउँन मुख्य भूमिका खेलेका छन् । यस्तैमा गायक खुमन अधिकारी र प्रीति आलेले दर्शक तथा श्रोताका लागि भन्दै लोक दोहोरी गीत ‘लकडाउनको दोहोरी’ सार्वजनिक गरेका छन् ।

माधव न्यौपानेको शब्द तथा खुमनकै संगीत रहेको गीतको भिडियो समेत निर्माण गरिएको छ । भिडियोमा राजेश हमाल, कोमल वली, शंकर विसी, श्रृष्टि खड्का, खुमन अधिकारी, अन्जली अधिकारी, रीना थापा लगायत दजर्न बढी कलाकारको अभिनय समेटिएको छ ।

वित्रलम चौहानको निर्देशन रहेको भिडियोमा माधव न्यौपानेको कोरियोग्राफी, तथा राजेश कुमारको सम्पादन छ ।