प्रदेश २ का थप १५ जना कोरोना संक्रमित डिस्चार्ज

जनकपुरधाम । विश्वमै महामारीका रुपमा फैलिएको कोरोना भाइरस (कोभिड १९) को संक्रमण नेपालमा पनि तिव्रगतिमा फैलिरहेको छ ।

संक्रमितको संख्या बढिरहेको नेपालमा कोरोनालाई जितेर घर फर्किनेको संख्या पनि बढि रहेको छ । गएराति मात्रै प्रदेश २ का थप १५ जना डिस्चार्ज भएका छन् ।

जनकपुर प्रादेशिक अस्पतालको आइसोलेसनमा उपचार गराइरहेका सर्लाहीका १४ जना र जनकपुरका १ जना डिस्चार्ज भएका अस्पताल स्रोतले जनाएको छ । यसअघि पनि जनकपुर प्रादेशिक अस्पतालबाट ८ जनाले कोरोनालाई जितेर घर फर्किसकेका छन् ।