आइतबार, जेठ ६, २०८१

सप्तरीममा प्रधानाध्यापकको मृत्यु, स्वाब सङ्कलन

नेपालखोज २०७७ भदौ ७ गते १९:४९

सप्तरी । विष्णुपुर गाउँपालिकास्थित जनता मावि खुरहुरियाका एक ५१ वर्षीय प्रधानाध्यापकको आज मृत्यु भएपछि स्वाब सङ्कलन गरिएको छ ।

रुपनी गाउँपालिका–४ भथौल निवासी उनको उपचारका लागि राजविराजस्थित गजेन्द्रनारायण सिंह अस्पताल ल्याउँदै गर्दा बाटामा नै मृत्यु भएको परिवारका सदस्यले बताएका छन् ।

बिहान घुमेर घर आइ खाना खाएर सुतेका उनी उठेपछि रिंगटा लागेर बेहोस हुँदा बिष्णुपुर गाउँपालिकाको एम्बुलेन्समा अस्पताल ल्याउँदै गर्दा बाटोमै मृत्यु भएको हो ।

अस्पतालका निमित्त मेडिकल सुपरिटेण्डेण्ट डाक्टर रणजितकुमार झाले अस्पताल आइपुग्नु अगावै मृत्यु भएको जानकारी दिँदै हृदयघातको सम्भावना रहेको बताए । स्वाब सङ्कलनपछि शवलाई परिवारको जिम्मा लगाइने बताइएको छ ।

प्रतिक्रिया