अब निडल फ्री खाेप !

काठमाडाैं । कोरोना महामारीविरुद्ध अब निडिल फ्री कोभिड खाेपका लागि संसारभर विभिन्न प्रयास भइरहेका छन् । वैज्ञानिकहरु अझ राम्रो औषधि र प्रविधिको विकास गरेर याे भाइरसमाथि पूर्ण नियन्त्रण चाहन्छन् ।

काेभिडकाे खाेपलाई लिएर पनि अनेक किसिमका प्रयोग जारी छ । यस क्रममा शोधकर्ताहरुले निडिल फ्री खाेप तयार पारेकाे जानकारी दिएका छन् । शोधकर्ताहरु कोभिड महामारीकाे सुरुदेखि नै यो जीवन रक्षक औषधिलाई पीडारहित बनाउने दिशामा काम गरिरहेका थिए । शोधकर्ताहरुका अनुसार अब चाँडै सुईमुक्त कोभिड खाेप उत्पादनमा जानेछ ।

यसले काेभिडकाे उपचारमा ठूलै परिवर्तन ल्याउन सक्छ । एड्भान्स साइन्स जर्नलमा प्रकाशित अध्ययनले पनि याे औषधिप्रति आशा देखाएकाे छ ।

खोपमुक्त कोभिड खाेप शोधकर्ताहरुका अनुसार याे औषधि चाँडै बजारमा आउनेछ । याे पीडारहित औषधि हुनेछ । खासगरी सुईसँग डराउने बालबालिका वा अरु मानिसका लागि सुईमुक्त कोभिड खाेप निकै सहज तथा सहयाेगी साबित हुन सक्छ ।

यो औषधिलाई चिस्याउने आवश्यकता नभएकाे र यसकाे प्रभावकारितासमेत बढी हुने दाबी गरिएकाे छ । यसकाे प्रयोगमा छालामा हल्का झटका मात्र महसुस हुन्छ ।

यो औषधि खासगरी विकासशील देशहरुका लागि अनुकूल हुने बताइएकाे छ किनभने यसकाे उपयोग पनि निकै सरल छ भने यसका लागि दक्ष चिकित्सा जनशक्तिकाे आवश्यकता पनि पर्दैन ।

मुसामा गरिएकाे याे औषधिकाे प्रयोगमा प्रतिरक्षा प्रणालीकाे दुई खुराक पछि उच्च स्तरकाे न्यूट्रलाइजिङ एनन्टिबडी बनेकाे पाइएकाे र यसबाट काेराेना भाइरसलाई रोक्न महत्त्वपूर्ण तथा प्रभावकारी काम भएकाे बताइएकाे छ ।

शोधकर्ताहरुका अनुसार मुसाकाे अर्को समूहलाई याे औषधिकाे एक खुराक मात्र दिइएकाे थियाे र पनि ती मुसा बिमारी भएनन् । अध्ययनमा प्रयोग गरिएकाे औषधि अस्ट्रेलियन कम्पनी खाेपले निर्माण गरेकाे हाे ।

आउने अप्रिल महिनादेखि याे औषधिकाे परीक्षण मानिसमा गर्ने योजना छ । दुई अमेरिकी कम्पनी पनि यस्तै औषधि बनाउने दौडमा छन् । औषधि निर्माता कम्पनी खाेपका सीईओ माइकल श्रेडर भन्छन्, ‘हामी एउटा मौसमी कोभिड र फ्लुकाे संयोजन उत्पादनमा काम गरिरहेका छाैं जुन औषधि सीधै घरमा लगेर बिमारीले आफैँ यसकाे उपयोग गर्न सक्छन् ।

यूएस नेसनल इस्टीट्यूट फर हेल्थकाे फन्डिङ सहयाेगमा खाेपले अमेरिकाकाे बोस्टन नजिक एउटा कारखाना पनि स्थापना गरेकाे छ । यसको अहिलेकाे लक्ष्य भनेकाे क्लिनिकल परीक्षणका लागि आवश्यक औषधि तयार गर्नु हो ।

याे औषधिकाे उत्पादनमा अझै केहि चुनौती छन् तर यसकाे सफलताले संसारभर काेभिडकाे खाेप लिने शैलीमा आमूल परिवर्तन ल्याउन सक्छ । –प्रतीकात्मक तस्बिर