प्रदेश १ र प्रदेश २ का एक/दुई स्थानमा हल्का वर्षाको सम्भावना

काठमाडाैं । हाल देशमा उल्लेखनीय मौसमी प्रणाली नरहेकाे जल तथा माैसम विज्ञान विभागले जनाएकाे छ । हाल देशका पहाडी भू-भागमा आंशिक बदली रहेको छ ।

आज दिउँसो प्रदेश नं १ को भू-भागमा आंशिकदेखि सामान्य बदली,  बाँकी प्रदेशको पहाडी भू-भागमा आंशिक बदली तथा अन्य भू-भागमा मौसम सामान्यतया सफा रहनेछ । प्रदेश नं १ को पहाडी भू-भागका एक /दुई स्थानमा हल्का वर्षाको सम्भावना रहेको विभागले जनाएकाे छ ।

आज राती प्रदेश नं १ र प्रदेश नं २ को भू-भागमा आंशिकदेखि सामान्य बदली,  बाँकी प्रदेशको पहाडी भू-भागमा आंशिक बदली तथा अन्य भू-भागमा मौसम सामान्यतया सफा रहने महाशाखाले जनाएकाे छ । प्रदेश नं १ र प्रदेश नं २ का भू-भागका एक /दुई स्थानमा हल्का वर्षाको सम्भावना रहेको छ ।