अपराजित नेपाल फाइनलमा उज्वेकिस्तानसँग भिड्ने

काठमाडौं । एभीसी सेन्ट्रल जोन भलिबल प्रतियोगितामा नेपाल अपराजित रहेको छ । आज भएको समूह चरणको अन्तिम खेलमा किर्गिस्तानलाई सोझो सेटमा पराजित गर्दै नेपालले अपराजित यात्रालाई कायम राखेको हो ।

बङ्गलादेशको ढाकामा नेपालले किर्गिस्तानलाई २५–८, २५–१४ र २५–१७ को सेटमा हराएको हो । नेपालले यसअघि श्रीलङ्का, बङ्गलादेश, माल्दिभ्स र उज्वेकिस्तानलाई हराएको थियो ।

उपाधिका लागि नेपालले उज्वेकिस्तानसँग खेल्नेछ । आज उज्वेकिस्तानले पनि श्रीलङ्कालाई हराएर फाइनलमा नेपालसँगको भेट पक्का गरेको हो ।