संघीय संसद्को चालु अधिवेशन अन्त्य

काठमाडाैं । राष्ट्रपति विद्यादेवी भण्डारीले संघीय संसद् (प्रतिनिधिसभा र राष्ट्रियसभा)को चालु अधिवेशन अन्त्य गरेकी छन् । नेपाल सरकार मन्त्रिपरिषद्को सिफारिसमा राष्ट्रपति भण्डारीले दुवै सदनको चालु अधिवेशन राति १२ बजेदेखि अन्त्य गरेकी संघीय संसद् सचिवालयले जनाएको छ ।

सचिवालयद्वारा जारी सूचनापत्रअनुसार गत फागुन २९ गते प्रतिनिधिसभाबाट यही चैत २ गते बुधबारका लागि तोकिएको प्रतिनिधिसभा बैठक र माघ १६ गतेदेखि अर्काे सूचना नभएसम्मका लागि स्थगित राष्ट्रियसभा बैठकसमेत अन्त्य भएको छ । प्रतिनिधिसभाको चालु दशाैं अधिवेशन मंसिर २८ गते प्रारम्भ भएको थियो ।