श्रेष्ठको टिप्पणी- ओलीको हातमा सत्ता जानु मकैबारीमा बाँदरलाई कुरुवा राखे जस्तो

काठमाडौं । जनता समाजवादी पार्टीका नेता राजेन्द्र श्रेष्ठले बिगतमा एमाले अध्यक्ष केपी ओलीको हातमा सत्ता जानु मकै बारीमा बाँदरलाई कुरुवा राखे जस्तै भएको टिप्पणी गरेका छन् ।

आज काठमाडौंमा आयोजित पाँच दलिय गठबन्धनको चुनावी सभालाई सम्बोधन गर्दै नेता श्रेष्ठले एमाले अध्यक्ष ओलीको पार्टीलाई बहुमत दिएर सरकार सञ्चालन गर्न दिएपनि मकै बारीमा बाँदरलाई कुरुवा राखे जस्तै भएको बताएका हुन् ।

ओलीले संविधान र लोकतन्त्र खाएर देशलाई प्रतिगमनतिर लगेको उनले बताए । उनले फेरी पनि प्रतिगमन हुन सक्ने भन्दै गठबन्धनको एकतामा जोड दिए । उनले गठबन्धनले संघीयतालाई कार्यान्वयन गर्दै देशमा सुशासन ल्याउनुपर्ने बताए ।

तिनै तहको सरकारलाई भ्रष्टाचारमुक्त र सुशासनयुक्त बनाउन गठबन्धनले ध्यान दिनुपर्ने उनको भनाई छ । पारदर्शीरुपमा काम गर्नुपर्नेमा उनले जोड दिए । उनले गठबन्धनको उम्मेदवारहरुलाई जिताउन आग्रह समेत गरे ।