निर्वाचन अधिकृत कुट्ने सुर्खेतका वरिष्ठ सई निलम्बित

सुर्खेत । प्रहरी वरिष्ठ नायव निरीक्षक नरेन्द्र भट्ट निलम्बनमा परेका छन्। इलाका प्रहरी कार्यालय सुगरखाल कैलाली दरबन्दी भई हाल कर्णाली प्रदेश सशस्र प्रहरी गण मुख्यालय सुर्खेतमा कार्यरत भट्ट निलम्बनमा परेका हुन्।

स्थानीय तह निर्वाचन २०७९ मा आवश्यक मद्दतका लागि सुर्खेतको पञ्चपुरी नगरपालिका-७ स्थित नेपाल राष्ट्रिय आधारभूत विद्यालय धनबोट मतदान स्थलमा कमान्डरको रूपमा खटिएका उनले बुधबार राति मतदान अधिकृत, म्यादी प्रहरी र गाउँलेलाई कुटपिट गरेको समाचार बाहिरिएको थियो।

नेपाल प्रहरी संगठनको छविमा आँच आउने एवम् अन्य प्रहरी कर्मचारीहरुलाई असर पुर्‍याउने किसिमको कार्य गरेकाले उनलाई निलम्बन गरिएको प्रहरीले जनाएको छ।