‘काटेको घाउ सिलाउने, पट्टी लाउने किन आउँथे, सिङमा नुनचुक दली हान्ने, हनाउने आउँछन् !’

घुमाइ फिराई आफैंलाई मालिक बनाउने आउँछन् !
भ्युटावर बनाउने गएपछि शालिक बनाउने आउँछन् !

घाम ताप्ने, ढाड सेक्ने, कुरो काट्ने गएपछि
हाजिरकापी घरमै लगि हाजिर जनाउने आउँछन् !

काटेको घाउ सिलाउने, पट्टी लाउने किन आउँथे
सिङमा नुनचुक दली हान्ने, हनाउने आउँछन् !

एकछिन् बस्न पाउँदैन नाक नथुनी देश मेरो
पुराना गनाउने गएपछि नयाँ गनाउने आउँछन् !