दिल्लीमा प्राइड परेड ‘जब प्यार किया तो जेन्डर क्या…’

LGBTQ+ समुदायले आइतबार दिल्लीमा प्राइड परेड आयोजना गर्यो । यो प्राइड परेड बाराखम्बा मेट्रो स्टेशनको तीन नम्बर गेटबाट जन्तर मन्तरसम्म चलेको थियो । बाराखम्बा मेट्रो स्टेसनको तीन नम्बर गेट बाहिर सयौं मानिस जम्मा भएका थिए । LGBTQ+ समुदायले आफ्नो समुदायको बारेमा समाजमा चेतना फैलाउन र्‍याली आयोजना गरिएको बताएको छ ।

यो परेडका लागि विभिन्न ठाउँका युवाहरु आएका थिए र उनिहरूले हातमा विभिन्न नारा लेखिएका प्लेकार्ड बोकेका थिए । यस क्रममा मानिसहरुले अँगालो हालेको पनि देखियो । इन्टरनेटमा पनि यो परेडको निकै चर्चा भइरहेको छ । यो र्‍यालीलाई जनताले पनि साथ दिएको देखियो । युवाहरूले बोकेका प्लेकार्ड मध्ये एउटामा लेखिएको थियो “यदि तपाईं समलैंगिक हुनुहुन्छ भने मुस्कुराउनुहोस्।” अर्थात “स्माइल इफ यू आर गे ” । LGBTQ+ को अर्थ लेस्बियन, गे, उभयलिंगी, ट्रान्सजेन्डर र क्वियर हो।

अन्त्यमा रहेको प्लस चिन्हले प्यानसेक्सुअल, द्वि-आत्मा, अलैंगिक, र अलैंगिक सहित अन्य यौन पहिचानहरूलाई प्रतिनिधित्व गर्दछ। एउटा पोस्टरमा लेखिएको थियो, “जब प्यार किया तो जेन्डर क्या ?” २८ जुन १९६९ मा अमेरिकाको म्यानह्याटनमा प्रहरीले समलिङ्गी समुदायमाथि छापा मार्न थालेको थियो । यस क्रममा प्रहरीले उनलाई कुटपिट गरी जेल हालेको थियो ।

‘प्राइड मन्थ’ एक प्रकारले LGBTQ+ समुदायका ती मानिसहरूको सम्झनाको महिना हो जो घृणित अपराध वा HIV/AIDS का कारण हराए। पहिलो प्राइड मार्च २८ जुन, १९७० मा न्यूयोर्क शहरमा भएको थियो । दिल्लीको पहिलो क्वियर प्राइड मार्च ३० जुन २००८ मा मनाइएको थियो।

स्रोत : बिबिसि हिन्दि