अमेरिकाकी आर बोनी गेब्रियल मिस युनिभर्स घोषित

अमेरिका । बर्ष २०२३ को मिस युनिभर्सको उपाधि अमेरिकाकी आर बोनी गेब्रियलले जितेकी छिन् ।

अन्तिम चरणमा भेनेजुएला र डोमिनिकन रिपब्लिकका सहभागीलाई पराजित गर्दै उनले यो ताज जितेका हुन् । ७१ औं मिस युनिभर्स प्रतियोगिता शनिबार अमेरिकाको लुइसियाना राज्यको न्यू अर्लिन्स सहरमा सम्पन्न भएको थियो ।

यो प्रतियोगितामा करिब ९० जना प्रतियोगीले भाग लिएका थिए जसलाई व्यक्तिगत अन्तरवार्ता र विभिन्न विधागत प्रक्रियाबाट छनोट गरिएको थियो । प्रतियोगीहरु मध्ये तीन जना मात्र अन्तिमका लागि छनौट गरिएका थिए ।

यसमा अमेरिकाबाहेक भेनेजुएलाकी अमान्डा डुडामेल र डोमिनिकन रिपब्लिककी एन्ड्रिना मार्टिनेज थिए । भेनेजुएलाकी अमान्डा डुडामेल दोस्रो तथा डोमिनिकन रिपब्लिककी एन्ड्रिना मार्टिनेज तेस्रो स्थान हासिल गरेका छन ।