पृथ्वीको हरेक कुनामा इन्टरनेट सेवा

लन्डन । लन्डनस्थित स्याटेलाइट अपरेटर कम्पनी वनवेब विश्वव्यापी इन्टरनेट विकास गर्ने अवस्था नजिक पुगेको छ। यो हप्ता कम्पनीले आफ्ना ४० वटा अन्तरिक्ष यान अन्तरिक्षमा पठाएको छ । अब ब्रोडब्यान्ड इन्टरनेट उपलब्ध गराउन सक्ने कम्पनीको स्याटेलाइटको संख्या ५ सय ८० पुगेको छ । अर्को हप्ता कम्पनीले अर्को एउटा स्याटेलाइट लन्च गर्न लागेको छ। यससँगै कम्पनीले विश्वको जुनसुकै कुनासम्म इन्टरनेट सेवा उपलब्ध गराउन सक्नेछ । मार्च २०२० मा कोविड महामारीको समयमा, कम्पनी आर्थिक विनाशको नजिक थियो।

बेलायती सरकार तथा भारतीय दूरसञ्चार समूह भारती टेलिकमले केही महिनापछि यो कम्पनीलाई किनेर दिवालिया हुनबाट बचाएपछि यससँग ८० भन्दा कम अन्तरिक्ष यान थिए। कम्पनीका सीईओ नील मास्टरसन त्यसयता कम्पनीले बलियो पुनरागमन गरेको बताउँछन् । हाल यो कम्पनीले १५ देशमा इन्टरनेट सेवा प्रदान गरिरहेको छ । कम्पनीका उपग्रहहरू पृथ्वीबाट १२०० किलोमिटरको उचाइमा राखिएका छन्। ती उपग्रहहरू लाई त्यहाँ स्थापित हुन र सहज रूपमा काम गर्न केही समय लाग्छ।

कम्पनीले आगामी दिनमा आफ्नो स्याटेलाइटले अमेरिका, मेक्सिको, उत्तर अफ्रिका तथा भारतमा इन्टरनेट उपलब्ध गराउन सक्ने बताएको छ । अन्तरिक्षमा नेटवर्क निर्माण गरेपछि कम्पनीले डाटा लिङ्क स्थापना गर्न ग्राउन्ड स्टेशनहरू निर्माण गर्नुपर्नेछ। वनवेब ( OneWeb ) ले २०२३ को अन्त्यसम्ममा ४० वटा नोडहरू स्थापना गर्ने योजना बनाएको छ । हाल संसारमा केवल एलोन मस्कको कम्पनी स्टारलिंकसँग स्पेस वनवेब भन्दा बढि स्पेसक्राफ्ट छ।

स्टारलिंक जस्तै वनवेबले ग्राहकहरूलाई सीधै ब्रोडब्यान्ड बेच्दैन बरु दूरसंचार कम्पनीहरूलाई इन्टरनेट प्रदान गर्दछ, जसले ग्राहकहरूलाई ब्रोडब्यान्ड प्रदान गर्छन् ।