रगतमा युरिक एसिड बढे के हुन्छ ?

रगतमा युरिक एसिडको मात्रा बढेपछि शरीरमा धेरै प्रकारका समस्या आउन सक्छन् । हाम्रो शरीरले मिर्गौला र पिसाबको माध्यमबाट यूरिक एसिड फिल्टर गर्छ । युरिक एसिडको मात्रा बढाउने खानेकुरा अत्यधिक मात्रामा खाँदा शरीरले यसलाई सजिलै फिल्टर गर्न सक्दैन र रगतमा छिट्टै पग्लन थाल्छ । शरीरमा अत्यधिक युरिक एसिड पग्लिँदा गाउटको समस्या सुरु हुन्छ र जोर्नी दुख्ने जस्ता समस्याले मानिसलाई सताउन थाल्छ ।

मेडिकल न्यूज टुडेका अनुसार यदि आफ्नो शरीरमा युरिक एसिड सामान्य भन्दा बढी छ भने भिटामिन सी युक्त चीजहरू जस्तै कागती, सुन्तलालाई आहारमा समावेश गर्नुपर्छ । सिट्रस फलफूलको दैनिक उपभोगले यूरिक एसिडको स्तरलाई छिट्टै नियन्त्रणमा ल्याउन सक्छ। वास्तवमा, सिट्रस फलफूलमा भिटामिन सी प्रचुर मात्रामा पाइन्छ, जुन शरीरलाई डिटोक्स गर्न धेरै सहयोगी हुन्छ । युरिक एसिडलाई नियन्त्रण गर्न आफ्नो आहारमा विभिन्न प्रकारका चेरीहरू जस्तै स्ट्रबेरी, ब्लू बेरी, रास्पबेरी आदि समावेश गर्न सकिन्छ ।

अन्वेषकहरूले चेरी र गाउट बीचको गहिरो सम्बन्ध रहेको पनि पत्ता लगाएका छन् । अनुसन्धान अनुसार चेरीमा एन्थोसायनिन र एन्टी-इन्फ्लेमेटरी गुण पाइन्छ, जसले दुखाइसँगै सून्निएको कम गर्छ । यी दुबै युरिक एसिड नियन्त्रण गर्न निकै प्रभावकारी हुन्छन् । यदि दैनिक आहारमा उच्च फाइबरयुक्त खानेकुराहरू समावेश गर्ने हो भने यसले शरीरमा अन्य फाइदाहरूका साथै यूरिक एसिड कम गर्ने क्षमता राख्छ । यसका लागि आहारमा तरकारी, फलफूल, अनाज आदि बढीभन्दा बढी समावेश गर्नुपर्छ ।

रगतमा चिनी र इन्सुलिनको स्तर स्थिर राख्न पनि आवश्यक छ । हेल्थलाइनका अनुसार यदि सिमित मात्रामा कफी सेवन गरिन्छ भने युरिक एसिडको स्तर दुई किसिमले प्रभावित हुन्छ । पहिलो, यसले शरीरमा प्यूरिनलाई भत्काएर युरिक एसिडको उत्पादन कम गर्छ र युरिक एसिडलाई सजिलै फ्लश गर्ने काम गर्छ। जबकि दोस्रो भनेको यसमा पाइने क्याफिनले युरिक एसिडको स्तर घटाउने क्षमता राख्छ ।

युरिक एसिडको समस्यामा कम फ्याट भएको खानेकुरा मात्र खानुपर्छ । यसले तौललाई नियन्त्रणमा राख्छ जसले युरिक एसिड र गाउटको समस्या निम्त्याउन सक्छ। यसका लागि कम फ्याट भएको दही , क्रीम रहित दुध आदि सेवन गर्नु उपयुक्त हुन्छ । भिटामिन सी सप्लिमेन्ट प्रयोग गरेर युरिक एसिडको समस्याबाट जोगिन सकिन्छ। यसबाहेक ओमेगा ३ फ्याटी एसिड, फोलिक एसिड, बेसारको क्याप्सुल आदिको सेवनबाट पनि फाइदा लिनुपर्छ ।