‘युवा र ऊर्जावान’ म्याक्रोँको चिनियाँ नागरिकद्वारा प्रशंसा

काठमाडौं । फ्रान्सका राष्ट्रपति इम्यानुएल म्याक्रोँले यसै साता गरेको आफ्नो राजकीय भ्रमणका क्रममा चिनियाँ जनताबाट न्यानो स्वागत पाएका छन् । म्याक्रोँको तीन दिने भ्रमणको उद्देश्य आर्थिक सम्बन्धलाई मजबुत बनाउनु र युक्रेन सङ्कटमा बेइजिङलाई दबाब दिनु हो, तर चीनका धेरैलाई ४५ वर्षीय राष्ट्रप्रमुखले उनको हेराइ र आरामदायी व्यवहारको प्रशंसा गरेका थिए ।

दक्षिणी शहर ग्वान्जाओमा शुक्रबार विद्यार्थी र समर्थकको चित्कारको भीडले म्याक्रोँलाई स्वागत गरेको थियो भने सामाजिक सञ्जालमा म्याक्रोँको उपस्थितिबारे पोस्ट गरिएको थियो । बेइजिङ निवासी ३४ वर्षीय यु लियाङले एएफपीसँग भने, ‘उहाँसँग अन्य राष्ट्रपतिको जस्तो रवाफ देखिएन । उनी निकै सहज हुनुहँदोरहेछ ।’ ‘म्याक्रोँ एक युवा र धेरै ऊर्जावान राष्ट्रपति हुनुहुन्छ्, र उहाँले देशमा पनि विभिन्न सुधारहरुको पनि प्रयास गरेका छन् । ‘मलाई उहाँको आवाज मन पर्छ,’ बेइजिङको एलायन्स फ्रान्काइजमा फ्रेन्च भाषाका ४३ वर्षीय विद्यार्थी लिउ सिनले एएफपीसँग भने ।

‘उहाँ धेरै आकर्षण भएको मानिस हुनुहुन्छ,’ लिउले भने । म्याक्रोँको भ्रमणसँग सम्बन्धित धेरै ‘ह्यासट्याग’हरुले शुक्रबार लोकप्रिय वेइबो सोशल मिडिया प्लेटफर्ममा सबैभन्दा धेरै खोजी गरिएका शीर्ष १० व्यक्तिहरूमा उनलाई छाने । वेइबोका धेरै टिप्पणीकारहरुले ग्वान्झाउको सन यात-सेन विश्वविद्यालयका विद्यार्थीहरुले फ्रान्सेली राष्ट्रपतिसँग प्रश्नोत्तर सत्रमा भाग लिनपाएकोमा आभारी भएको बताएका छन् । म्याक्रोँ र उनको टोलीले क्याम्पसका शुभचिन्तकहरुको भीडमा पुग्दा आफ्नो फोन समातेर उनीहरूले सेल्फी खिचे ।

जब म्याक्रोँ र उनको प्रतिनिधिमण्डलका सदस्यले उनीहरूसँग हात मिलाए प्रशंसकहरू खुशीले गद्गद् बने र चिच्याएर खुशी व्यक्त गरे । ‘म आज हात धुने छैन १’ वेइबोमा पोस्ट गरिएको भीडमा म्याक्रोँसँगको भिडियोको पृष्ठभूमिमा मानिसहरुले कुरा गरेको सुन्न सकिन्छ । बेइजिङको सान्लिटुन नजिकैको फ्रान्सेली रेस्टुरेन्टमा खाना खाइरहेकी २६ वर्षीया ये जियुले आफू पनि म्याक्रोँको प्रशंसक भएको बताए । उनले एएफपीसँगको कुराकानीमा भने, ‘अधिकांश युवाको उहाँको मन परेको पहिलो कारणलाई उहाँकी पत्नीसँगको प्रेम कहानीलाई मित्रवत तरिकाले गरेको प्रस्तुतीलाई लिएका छन् ।’ ‘हामी उहाँको नीतिहरूको बारेमा धेरै जानकार नहुन सक्छौं, तर हामी अझै पनि व्यक्तिगत रुपमा उहाँको बारेमा केही जान्दछौं,’ उनले भने ।

म्याक्रोँलाई दिइएको स्वागतले चिनियाँ सामाजिक सञ्जालमा केहीले सङ्कटग्रस्त राजनीतिका कारण राष्ट्रपतिले घरबाट हजारौं माइल टाढा सार्वजनिक कोलाहलबाट छोटो राहत पाएको विडम्बनालाई पनि औंल्याउन उत्प्रेरित गरेको बताएका छन् । साङ्घाईस्थित वेइबोका एक प्रयोगकर्ताले शुक्रबार एक पोस्टमा ‘चिनियाँ विद्यार्थीले म्याक्रोँलाई पवित्र मूर्तिजस्तै स्वागत गर्छन्, तर फ्रान्समा विद्यार्थीहरुले उनलाई अनावश्यक आलोचना र विरोधसमेत गर्छन्’ भनेका छन् ।