मलमासमा लक्ष्मी र नारायणलाई प्रसन्न बनाउने उपाय !

य‍ो महिनाको स्वामी श्रीहरि भएकाले मलमास वा अधिक मासलाई पुरुषोत्तम महिना पनि भनिन्छ । यो महिना भगवान् विष्णुको पूजा–आराधना गरी ज्योतिष शास्त्रमा उल्लेख गरिएका यी काम गर्नाले सबै पाप नष्ट हुन्छ र धन तथा अन्नको कमी हुँदैन ।

भगवान विष्णु मलामास वा अधिकारमासका मालिक हुन् । यो महिनामा हरेक दिन भगवान विष्णुको पूजा गर्नु र हरिको हवन गर्नु उत्तम मानिन्छ । मलमासमा कुनै शुभ कार्यक्रम नहुने भएकाले हरेक दिन भगवान विष्णुको पूजा–आराधना तथा हवन गर्नाले लक्ष्मीनारायणको आशीर्वाद कायम रहनुका साथै परिवारको पनि उन्नति हुनेछ ।

मोक्ष प्राप्तिका लागि

मलामास वा अधिक मासमा पवित्र ग्रन्थ राम चरित्र मानस तथा श्रीमद भागवत कथा पाठ गर्नाले मोक्षको ढोका खोल्न मद्दत मिल्छ । रामचरित्र मानस तथा श्रीमद भागवत कथा हरेक बिहान र साँझ पढ्दा वरपर सकारात्मक उर्जाको संचार हुन्छ र जीवनमा नयाँ दिशा मिल्छ । यी महान् ग्रन्थले हामीलाई अगाडि बढ्दै विजय हासिल गर्ने प्रेरणा दिन्छन्।

मनोकामना पूरा गर्न

मलमासमा भगवान विष्णुको पूजा गर्नुका साथै विष्णु सहस्त्रनाम जप गर्नुपर्छ । यसका साथै दिनहुँ पानीमा दूध मिसाएर तुलसीलाई अर्घ दिनुपर्छ । यसो गर्नाले घरमा सौभाग्य तथा खुशी आउँछ र तनाव टाढा भाग्छ । मलमासमा दिनहुँ यी काम गर्नाले हाम्रा सबै मनोकामना पूरा हुन्छन् ।

देवी लक्ष्मीको आशीर्वाद प्राप्त गर्न

मलमास वा अधिक मासमा स्नान र ध्यान गरेपछि दैनिक तुलसीको माटोको तिलक लगाउनु पर्छ। श्रीहरिलाई तुलसी अति प्रिय छ र तुलसीमा माता लक्ष्मीको वास हुन्छ । यसबाट सुख(समृद्धि बृद्धि हुनुका साथै सबै पापबाट मुक्ति मिल्छ भन्ने मान्यता छ । मलमासमा प्रतिदिन तुलसीको माटोको तिलक लगाउनाले लक्ष्मीको आशीर्वाद पनि कायम रहन्छ र धन प्राप्तिको बाटो खुल्छ ।

सबै तीर्थको पुण्य

पुराणमा भनिएको छ भगवान् विष्णु मलमासमा ब्रज क्षेत्रमा गएर बसेका थिए जसका कारण मलमासको समयमा सबै तीर्थयात्री ब्रज क्षेत्र पुग्छन् । त्यसैले मलमासको समयमा ब्रज क्षेत्रको भ्रमण गर्नु उत्तम मानिन्छ । यो महिनामा ब्रजभूमिको यात्राले सबै तिर्थको पुण्य प्रदान गर्छ भन्ने मान्यता छ ।