कविता : फाँसीमा झुन्डाए

पीपलको रुख काटे यिनीहरूले

चौतारोमा सिमन्टीको रूख लाए !

जाँदा बाटो बढाउँछु भनेर गए

आउँदा बाटो मिचेर आए !

उत्थान गर्छ भने दलितको

उत्थान गरे, दलितलाई झन दलित बनाए !

जाँदा देशलाई केही गर्छ भनेर गए

गरे देश आफैलाई माने, गरेर भ्याए !

शहीदका सपना सफल बनाउँछ भने

बनाए, सपनालाई केक बनाए, जन्मदिनमा काटेर खाए !

यिनीहरूको नाम सुन्दा पनि

नाक थुनेर हिँड्नुपर्ने भयो बाटोमा

आज दिन यस्ता पनि आए !

मार्क्स,लेनिन,माओ,वीपी महाेदय

यिनीहरूले

तिमीहरूको फोटो आफ्नु घरको भित्तोमा झुन्डाए

र

तिमीहरूको सिद्धान्त फोटोभन्दा मुन्तिर

फॉसीमा झुन्डाए !!