प्लेटलेट्स घट्दा खानुपर्ने खानेकुरा

काठमाडाैं । देशभर डेंगुको समस्या बढ्दै गएपछि नेपालमा यो रोगको प्रकोप ठूलो देखिएको छ । रोग लाग्न नदिन सबै प्रकारका सावधानी अपनाए पनि सङ्क्रमित भए हामीले अझ बढी सावधानी अपनाउनुपर्छ । डेंगु उच्च ज्वरो (१०२-१०४ डिग्री फारेनहाइट) बाट सुरु हुन्छ, जुन प्यारासिटामोलले पनि नियन्त्रण गर्न गाह्रो हुन्छ, यसको समय सीमा हुन्छ र ५ देखि ७ दिनको बीचमा आफैं निको हुन्छ ।

डेंगुले शरीरमा प्लेटलेट्स घटाउँछ, जुन निकै जोखिमपूर्ण हुन सक्छ। जब ज्वरो कम हुन्छ, प्लेटलेट काउन्ट पनि कम हुन्छ। यसबाट जोगिन केही खानेकुराहरू उपभोग गर्नुपर्छ जसले शरीरलाई चाँडो प्लेटलेट्स उत्पादन गर्न मद्दत गर्दछ।

मेवाको पात

मेवाको पातमा एसिटोजेनिन नामक एक अद्वितीय फाइटोकेमिकल हुन्छ, जुन डेंगुसँग लड्ने मानिसहरूका लागि प्रभावकारी उपचार हुन सक्छ किनभने यसले प्लेटलेट गणनामा द्रुत वृद्धि सुनिश्चित गर्दछ। मेवाको पातमा धेरै प्राकृतिक वनस्पति यौगिकहरू पनि हुन्छन्, जस्तै फ्लेभोनोइड्स र क्यारोटिनहरू, जसमा एन्टि(इन्फ्लेमेटरी र एन्टिअक्सिडेन्ट गुणहरू हुन्छन्। मेवाको पातको जुस घरमै सजिलै बनाउन सकिन्छ । यसका लागि ४(५ वटा मेवाको पातलाई पानीमा उमालेर मिश्रण तयार गरि बिहान/ बेलुका १ कप सेवन गर्नुपर्छ ।

जमराको रस

इन्टरनेशनल जर्नल अफ युनिभर्सल फार्मेसी एन्ड लाइफ साइन्सेजमा प्रकाशित अनुसन्धान अनुसार जमराको रसले प्राकृतिक रूपमा प्लेटलेट काउन्ट बढाउन मद्दत गर्छ। यसको अधिकतम लाभका लागि एक कप जमराको रसमा थोरै कागती मिसाएर पिउन सकिन्छ।

अनार

अनार डेंगुबाट पीडित व्यक्तिहरूका लागि धेरै महत्त्वपूर्ण छ किनभने यसले प्लेटलेट काउन्ट मात्र बढाउने छैन यसलाई अझ घट्नबाट पनि रोक्छ । अनार आइरनको शक्तिशाली स्रोत मात्र होइन यसमा एन्टिअक्सिडेन्ट र रोग प्रतिरोधात्मक क्षमता बढाउने गुणहरू पनि हुन्छन्।

किसमिस

किशमिश पनि आइरनको एउटा प्रमुख स्रोत हो । धेरै कम प्लेटलेट भएका डेंगुका रोगीहरूलाई यसले मद्दत गर्न सक्छ। एक मुट्ठी किसमिसलाई रातभर भिजाएर बिहान भिजाएको पानीमा खानुहोस् । रक्तअल्पता भएका बिरामीहरूका लागि पनि यो विधि धेरै प्रभावकारी छ । जसको हेमोग्लोबिन स्तर कम छ उनिहरुका लागि यो उपचार प्रभावकारी छ ।

भिटामिन सी

भिटामिन सी अर्को आवश्यक पोषक तत्व हो जसले शरीरलाई प्लेटलेटको उत्पादन बढाउन मद्दत गर्छ। सुन्तला, अमला, कागती, क्याप्सिकम आदि फलफूल तथा तरकारीहरूमा भिटामिन सीको स्तर उच्च हुन्छ जसले डेंगुको समयमा हाम्रो शरीरलाई मद्दत गर्न सक्छ।

किवी

किवी डेंगुको समयमा अत्यधिक सिफारिस गरिन्छ। यो पोटासियम र भिटामिन सी को प्रमुख स्रोत हो, जसले रगतमा प्लेटलेट्स बढाउन सक्छ। किवीले कम प्लेटलेट्सको चक्र तोड्न सक्छ र हाम्रो शरीरलाई ऊर्जाको राम्रो खुराक प्रदान गर्न सक्छ।

मेथी पानी

यदि प्लेटलेट गणना खतरनाक रूपमा कम स्तरमा झरेको छ भने यो प्राकृतिक उपचार प्रयास गर्न सकिन्छ। १ चम्चा मेथीको दानालाई एक गिलास पानीमा रातभर भिजाएर भोलिपल्ट बिहान पानी छानेर अलिकति तताएर पिउने ।

पालुगों

प्लेटलेट काउन्ट बढाउन भिटामिन के का धनी खानेकुराहरू अत्यधिक सिफारिस गरिएको हुनाले, हरेक दिन कुनै न कुनै रूपमा पालुगों सेवन गर्नु उत्तम हुन्छ। भिटामिन के ले रगत जम्न मद्दत गर्छ र काटिने र चोटपटकबाट अत्यधिक रगत हानि हुनबाट ज‍ोगाउँछ। यसका लागि ब्रोकाउली र बन्दाकोबी पनि उपभोग गर्न सकिन्छ, किनभने यसमा भिटामिन के पनि राम्रो मात्रा हुन्छ।यी हरिया तरकारीमा फोलेट पनि हुन्छ जसले प्लेटलेट काउन्ट र कोशिकाको वृद्धि बढाउन मद्दत गर्छ। यसलाइ काँचै खानुहुँदैन , सुपमा मिसाएर खान सकिन्छ ।

चुकन्दरको जुस

यो गाढा रातो तरकारीले फ्रि रेडिकलका कारणले हुने प्लेटलेट्सको क्षतिलाई रोक्न मद्दत गर्छ जसले प्लेटलेट काउन्ट बढाउन मद्दत गर्छ। यदि आफ्नो प्लेटलेट काउन्ट छिटो बढाउन चाहने हो भने हरेक दिन चुकन्दरको जुस पिउन सकिन्छ । सलाद र सूपमा पनि चुकन्दर समावेश गर्नुपर्छ ।