यूएईले नेपाललाई जितका लागि दियो १ सय ३५ रनको चुनौती

काठमाडाैं । आईसीसी टी–२० विश्वकपमा छनोट हुन निर्णायक एसिया छनोटको सेमिफाइनल खेलमा यूएईले नेपाललाई जितका लागि १ सय ३५ रनको चुनौती दिएको छ । 

मूलपानी क्रिकेट मैदानमा टस जितेर पहिले ब्याटिङ गरेको यूएईले निर्धारित २० ओभरमा नाै विकेट गुमाएर १ सय ३४ रन बनाएको हो । 

नेपालका लागि कुशल मल्लले तीन, सन्दीप लामिछाने दुई तथा कप्तान रोहितकुमार पौडेल र सोमपाल कामीले एक/एक विकेट लिए । यूएईका दुई खेलाडी रनआउट भए ।