तीब्र रूपमा बढ्दै छ लागू औषधको खपत

संयुक्त राष्ट्रसंघको २०२४ को लागू औषध प्रतिवेदनले विश्वभर लागूऔषध र त्यसका प्रयोगकर्ताको संख्या तीव्र गतिमा बढिरहेको देखाएको छ ।

कति जनाले लागूऔषध सेवन गर्छन्

२०२२ मा विश्वको जनसंख्याको लगभग २९२।२ मिलियन मानिस वा प्रत्येक १८ मा १ ले कुनै न कुनै रूपमा लागूपदार्थ प्रयोग गरे। यो संख्या एक दशक अघिको तुलनामा २० प्रतिशत बढी हो, जसको कारण जनसंख्या वृद्धि हो ।

सबैभन्दा बढी प्रयोग हुने लागू औषध

२०२२ मा २२८ मिलियन प्रयोगकर्ताहरूका साथ विश्वव्यापी रूपमा सबैभन्दा बढी प्रयोग हुने औषधि गाँजा/भांग थियो । त्यसपछि ओपियोइड्स ९६ करोड प्रयोगकर्ता ०, एम्फेटामाइन प्रकारको उत्तेजक ९३ करोड प्रयोगकर्ता०, कोकिन ९२.३ करोड प्रयोगकर्ता ० र एक्स्टेसी ९२ करोड प्रयोगकर्ता ० छन् । संयुक्त राष्ट्र संघको वार्षिक यो प्रतिवेदनले नाइटोजेन भनिने अति शक्तिशाली सिंथेटिक ओपियोइडको बढ्दो खतरालाई पनि औंल्याएको छ ।

यो फेन्टेनिलभन्दा पनि अधिक शक्तिशाली हुन सक्छ र यसको प्रयोग हाल धनी देशहरूमा बढिरहेको छ जसले गर्दा धेरै देशहरूमा ओवरडोजका कारण मानिसको मृत्यु समेत बढेको छ, जसमा संयुक्त राज्य अमेरिका, बेल्जियम, क्यानाडा, इस्टोनिया, लाटभिया, स्लोभेनिया, बेलायत देशहरू छन् । यो प्रवृत्तिले युरोपेली ड्रग्स एण्ड ड्रग एडिक्शन मोनिटरिङ सेन्टर जस्ता विश्वव्यापी अनुगमन संस्थाहरूलाई चिन्तित तुल्याएको छ ।

अफगानिस्तानमा अफिम उत्पादन गिरावटको प्रभाव

अफगानिस्तानमा तालिबानले अफिममाथि प्रतिबन्ध लगाएपछि २०२३ मा विश्वव्यापी अफिम उत्पादन ७४ प्रतिशतले घट्यो। यो उल्लेखनीय गिरावटले हेरोइन प्रयोगकर्ताहरूलाई अन्य खतरनाक ओपिओइडहरूतर्फ फर्काउन र स्वास्थ्य जोखिमहरू बढाउन भुमिका खेलेको बताइन्छ ।

कोकिनको बढ्दो प्रसार

कोकिनको बजार द्रुत गतिमा बढिरहेको छ। २०२२ मा यसको विश्वव्यापी आपूर्ति २,७०० टन भन्दा बढीको रेकर्ड स्तरमा पुगेको छ, जुन अघिल्लो वर्षको तुलनामा २० प्रतिशतले बढि हो । कोकिनको तस्करी परम्परागत बजारबाहेक अफ्रिका जस्ता क्षेत्रमा पनि फैलिरहेको छ । अमेरिकाको एन्डिज क्षेत्रमा मुख्यतया कोका झाडीको खेती २०२१ र २०२२ को बीचमा १२ प्रतिशतले ३५५००० हेक्टरमा बढ्ने अपेक्षा गरिएको छ जसले बढ्दो कोकिन बजारलाई थप बढाउनेछ ।

संयुक्त राज्य अमेरिकाका धेरै क्षेत्रहरूमा गाँजाको वैधीकरणले यसको हानिकारक प्रयोग बढाएको छ भने यसका उत्पादनहरूमा पनि विविधता आएको छ ।