यी सुपरहिट फिल्मको सिक्वेल तयार हुँदैछ

काठमाडाैं । बलिउडमा एनिमल दखि पठानसम्म यस्ता धेरै सुपरहिट फिल्महरू बनेका छन् जसको सिक्वेलको पर्खालमा धेरै दर्शकहरु छन्। उनिहरु उत्सुकतासाथ ती सिक्वेलको प्रदर्शन मिति पर्खिरहेका छन् ।

एनिमल पार्क देखि रेड – टु जस्ता चलचित्रहरू कहिले थिएटरहरूमा आउन सक्छन् हेरौं :

एनिमल पार्क : रणवीर कपूरको ब्लकबस्टर फिल्म ‘एनिमल’ को सिक्वेल छिट्टै तयार हुनेछ । यो सिक्वेलको शिर्षक एनिमल पार्क राखिएको छ । रणवीर कपूरको एनिमल पार्क २०२७ मा थिएटरहरूमा रिलिज हुनेछ । निर्माता भूषण कुमारले यो खुलासा गरेका हुन् ।

वार – २ : ऋतिक रोशनको फिल्म वारको पनि भाग २ तयार हुँदैछ । यसको सुटिङ सुरु भैसकेको छ । यसमा जुनियर एनटीआर पनि ऋतिक सँगै देखिनेछन् । यो फिल्म २०२५ मा रिलिज हुनसक्छ ।

पठान – २ : पठानले शाहरुख खानको करियरलाई फेरि एकपटक उचाइमा पुर्याएको थियो । अब यसको पनि सिक्वेल बन्ने भएको छ । यो चलचित्र २०२६ वा २७ मा रिलिज हुन सक्छ ।

रेड – २ : अजय देवगनको फिल्म रेड पनि सुपरहिट फिल्म हो । अहिले यसको सिक्वेल तयार पारिने घोषणा भैसकेको छ । रेड टु को प्रदर्शन सन् २०२५ मा हुनसक्छ ।

गोलमाल – ५ : अजय देवगनको कमेडी ड्रामा फिल्म ‘गोलमाल -५ ’ को पनि घोषणा भैसकेको छ । यद्यपि यसको प्रदर्शन मिति भने तय भएको छैन ।

दृश्यम – ३ : अजय देवगनको दृश्यमका भाग एक र दुई दुबै ब्लकबस्टर हिट थिए त्यसैले यसको भाग – ३ को पनि घोषणा गरिएको छ । यो फिल्म अर्को वर्ष सिनेमा हलमा पुग्न सक्छ।

हेरा फेरी – ३ : अक्षय कुमार, सुनिल शेट्टी र परेश रावलले हेरा फेरी – ३ मार्फत फेरि एक पटक ठूलो पर्दा हंगामा मच्चाउने तयारि गरेका छन् । चलचित्र हेरा फेरी – ३ सन् २०२६ मा रिलिज हुनेछ ।