रोमानियामा इन्धन चुहावटका कारण ११ हजार बासिन्दाका पानी आपूर्ति प्रभावित

बुखारेस्ट । रोमानियाको आपतकालीन विभागले ब्रासोभ जिल्लामा इन्धन चुहावटका कारण करिब ११ हजार बासिन्दालाई पिउने पानी आपूर्ति हुन नसकेको जनाएको छ ।

आपतकालीन टोलीहरूले प्रभावित समुदायमा तत्काल पिउने पानी वितरण गरिरहेका छन् । ब्रासोभ जिल्ला आपतकालीन कार्यालयले भिक्टोरिया शहर र वरपरका गाउँहरू उचेआ, भिस्टेआ र ड्रागुसमा सहयोग पु¥याइरहेको छ ।

डिसेम्बर महिनाको अन्त्यमा भएको यस वातावरणीय घटनाका कारण चारै स्थानीयतामा पानीको मुख्य स्रोत प्रदूषित भएको थियो ।

अत्यावश्यक सेवाहरूलाई प्राथमिकता दिँदै टोलीहरूले भिक्टोरियाको नर्सिङ होम, स्थानीय अस्पताल र नगर कार्यलयलाई पिउने पानी उपलब्ध गराएका छन् ।

स्थानीय अधिकारीहरूले वैकल्पिक पानीका स्रोत तुरुन्त सुनिश्चित गरेका थिए । आपतकालीन सेवा तथा आन्तरिक मन्त्रालयका टोलीहरू प्रभावित समुदायलाई निरन्तर सहयोग पु¥याउन तत्पर रहेका छन् । -रासस/सिन्ह्वा