पाकिस्तानले काबुलमा नियमित उडान गर्ने

इस्लामावाद । पाकिस्तानको सरकारी एयरलाइन्स, पीआईएले नियमितरुपमा इस्लामावाद–काबुल उडान पुनःसुरु गर्ने भएको छ ।

पाकिस्तानको एयरलाइन्स, पीआईएले सो उडानका लागि सबै तयारी पूरा भएको र पहिलो जहाज सोमबार नै जाने पनि जनाएको छ । पकिस्तान एयरलाइन्सले आइतबार विज्ञप्ति प्रकाशन गरेर सो जानकारी दिएको हो ।

सो एयरलाइन्सले यसअघि रोकिएको उडान अब सोमबारबाट नियमितरुपमा सुचारु गर्ने जनाएको हो । अफगानिस्तानमा तालिबानीले हमला गरेर सत्ता कब्जा गरेपछि पाकिस्तानको यो एयरलाइन्सले पनि आफ्ना सबै उडान बन्द गरेको थियो ।

त्यसयता यहाँका कैयौँ विदेशी विमान सेवा कम्पनीले उडान बन्द गरेका थिए । तर अरु देशका यी कम्पनीले भने उडान सुरु गरेका छैनन् । रासस/सिन्ह्वा