चीनले अफगानिस्तानलाई सहयोग गर्ने

बेइजिङ । चीनले अफगानिस्तानलाई ६० लाख अमेरिकी डलर बराबरको सहयोग गर्ने भएको छ ।

दोहामा चीनसँग उच्चस्तरीय वार्ता भएको एक दिनपछि हिजो बेइजिङले अफगानिस्तानलाई ६० लाख अमेरिकी डलर बराबरको थप मानवीय सहायता दिने वचन दिएको हो ।

तालिबानका प्रवक्ता जाबिहुल्लाह मुजाहिदले चीनको सहायता औषधी र खाद्यान्नका लागि प्रयोग गरिने बताएका टोलो समाचार संस्थाले उल्लेख गरेको छ ।

तालिबानका उपप्रधानमन्त्री मुल्लाह बारादर र चिनियाँ विदेश मन्त्री वाङ यीबीच दोहामा भएको दोस्रो सार्वजनिक भेट वार्तापछि यस्तो घोषणा गरिएको हो ।