चौबीस घण्टामा ६ हजार ७३४ संक्रमित थपिए, ५४७ जना डिस्चार्ज

काठमाडौं । नेपालमा पछिल्लो चौबीस घण्टामा ६ हजार ७३४ जनामा कोरोना भाइरसको संक्रमण पुष्टि भएको छ । सोही अवधीमा ५४७ जना कोरोना संक्रमित निको भई डिस्चार्ज भएका छन् ।

स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा गरिएको १४ हजार ०१४ जनाको पीसीआर परीक्षणबाट ५ हजार ७४७ र ३ हजार ४५१ जनामा गरिएको एन्टिजेन परीक्षणमा ९८७ जना गरी जम्मा ६ हजार ७३४ जनामा संक्रमण पुष्टि भएको हो ।

त्यस्तै चौबीस घण्टामा ३ जनाको कोरोनाका कारण मृत्यु भएको छ । नेपालमा हाल मृत्यु हुनेको संख्या ११ हजार ६२३ पुगेको छ । नेपालमा हाल सक्रिय संक्रमितको संख्या ३० हजार ८७७ रहेको छ ।

हालसम्म नेपालमा कुल डिस्चार्ज हुनेको संख्या ८ लाख १६ हजार ९८५ जना पुगेका छन् । हाल नेपालमा क्वारिन्टिनमा १०० र आइसोलेसनमा ३० हजार ८७७ जना रहेका छन् । नेपालमा हालसम्म ८ लाख ५९ हजार ४८५ जनामा संक्रमण पुष्टि भएको छ ।