कतारका रंगशालामा के हुनेछ ?

दोहा । कतारमा जारी फिफा विश्वकप – २०२२ को सेमिफाइनल चरणमा पुगेको छ । अब यो प्रतियोगिता समाप्ती तर्फ लम्किरहेको छ । यो प्रतियोगिताको फाइनल पुस ३ गते (डिसेम्बर १८ मा ) हुनेछ । त्यसपछि कतारका यी ८ वटा रंगशालाको प्रयोग कसरी हुनेछ ? कतारमा फुटबल खासै लोकप्रिय छैन तर फिफा विश्वकपका लागि यहाँ आठवटा विश्व स्तरीय रंगशाला निर्माण गरिएको छ ।

फिफा विश्वकप सकिएपछि यी रंगशालालाई कसरी प्रयोग गर्ने भन्ने चुनौती कतारसामु हुनेछ । कतारले यसका लागि समाधान खोजिसकेको छ । प्रतियोगिता सकिएपछि कतारका कतिपय फुटबल स्टेडियमलाई सपिङ मल, होटेल र विद्यालयमा परिणत गरिनेछ भने तीनवटा रंगशालामा कुनै परिवर्तन हुनेछैन । जसमा फुटबल खेलाडीहरुले अभ्यास खेल खेल्नुका साथै प्रतिस्पर्धा पनि संचालन हुनेछ ।

आखिर के कारणले रंगशाला प्रयोग नहुने हो ?

उल्लेखनीय कुरा के छ भने कतार सरकारको यो निर्णय अघि धेरैले पटकपटक विश्वकपको आयोजना गरिसकेका छन् तर प्रतियोगितापछि त्यहाँ रंगशाला भत्काइएन, किन ? किनभने यसरी महंगो स्टेडियम भत्काउनु सही निर्णय होइन । विश्वकपका लागि प्रयोग गरिएको रंगशालाले पछि स्थानीय खेलाडीहरू र घरेलु खेलहरूका साथै द्विपक्षीय शृङ्खलाहरू आयोजना गर्छन् ।

यस कारण स्टेडियमहरू सधैं उपयोगी मानिन्छन् । यद्यपि कतारमा फुटबल त्यति लोकप्रिय छैन । यस्तो अवस्थामा विश्वकपपछि कतारका ती फुटबल स्टेडियमहरूमा खेल्ने वा अभ्यास गर्ने कोही हुने छैनन् । त्यहाँका जनतालाई फुटबलमा खासै रुचि छैन । यस कारण धेरैजसो स्टेडियमलाई होटेल र सपिङ मलमा रूपान्तरण गरिनेछ ।

प्रतियोगिता सकिएपछि कतारका आठवटा रंगशालामा के होला ?

उल्लेखनीय कुरा के छ भने विश्वकप सकिएपछि कतार सरकारको निर्णय अनुसार कतारका यी आठै वटा रंगशालालाई भविष्यमा विभिन्न स्वरुपमा प्रयोग गरिनेछ भने ती मध्ये ३ वटा रंगशालामा कुनै परिवर्तन हुने छैन । एउटा रंगशाला कतारको राष्ट्रिय फुटबल टिमका लागि हुनेछ जसमा खेलाडीहरुले अभ्यास गर्नेछन् र त्यहाँ कतारले अन्तर्राष्ट्रिय खेलहरुको आयोजना गर्नेछ ।

यसैगरी फुटबल क्लबका लागि दुई रंगशाला छुट्टाइएको छ, जसमा क्लबका खेलाडीले अभ्यास खेल खेल्नेछन् । यसका साथै केही स्टेडियमबाट फ्लोर हटाइनेछ । यसबाट निस्कने स्टिल र सिट गरिब देशहरूलाई दान गरिनेछ जहाँ त्यसको आवश्यकता छ ।