माओवादीका भण्डारी सुदूरपश्चिममा सभामुखको उम्मेदवार

काठमाण्डौं । सुदूरपश्चिम प्रदेशमा नेकपा माओवादी केन्द्रका भीम भण्डारी सभामुखको उम्मेदवार बनेका छन् । उनले आज उम्मेदवारी दर्ता गरेका छन् ।

माओवादीकी गीतादेवी मालको प्रस्ताव र नेकपा एमालेकी जानकी बम ऐरको समर्थकमा भण्डारी सभामुखको उम्मेदवार बनेका हुन् ।

नेकपा एमाले र माओवादीसहितका सत्ता गठबन्धनबीच सुदूरपश्चिमको सभामुख माओवादीले पाउने सहमति भएको छ ।

नेपाली कांग्रेसले भने सुदूरपश्चिम प्रदेश सभाका ज्येष्ठ सदस्य मानहादुर रावललाई सभामुखको उम्मेदवार बनाएको छ । सभामुख चयनका लागि सुदूरपश्चिममा भोलि मतदान हुने छ ।