कलेजो डिटक्सिफाई

कलेजो हाम्रो शरीर भित्रको सबैभन्दा ठूलो अंग हो । कलेजो शरीरमा कम्तिमा ५ सय आवश्यक कार्यहरूका लागि जिम्मेवार छ। यी मध्ये एउटा तर महत्त्वपूर्ण कार्य भनेको कलेजोले शरीरबाट विषाक्त पदार्थहरू हटाएर तिनीहरूलाई बेअसर गर्नु हो अर्थात् यसले विषको प्रभावलाई हटाएर अन्य वस्तुमा परिणत गर्छ ।

कलेजो आफैंमा डिटोक्सिफिकेशन अंग हो । यस्तो अवस्थामा बुझ्न सकिन्छ कि कलेजो सफा गर्नाले शरीरमा लिभरसँग सम्बन्धित सबै समस्याहरू समाधान हुनेछन् । के पनि भनिन्छ भने कलेजो सफा गर्दा मेटाबोलिज्म बढ्छ र तौल पनि छिटो घटाउन सकिन्छ ।

यसका लागि कलेजो डिटोक्सिफिकेशनका धेरै प्रकारका उत्पादनहरू बजारमा उपलब्ध छन् । यद्यपि कलेजो डिटोक्स उत्पादनहरू कुनै कामका छैनन । यदि यी उत्पादनले कलेजो लाई डिटक्सिफाई गर्छ भन्ने सोचेर प्रयोग गर्नुहुन्छ भने तपाई गलत हुनुहुन्छ । बरु यसले शरीरमा हानि पनि पुर्याउन सक्छ ।

वास्तवमा विषाक्त पदार्थहरू सम्पूर्ण वातावरणमा जताततै उपस्थित हुन्छन् । यता हाम्रो शरीरमै प्राकृतिक रूपमा यी विषहरू हटाउने क्षमता हुन्छ । आफ्नो शरीरको स्वास्थ्यमा ध्यान दिएर कलेजोको कार्यलाई स्वस्थ बनाउन सकिन्छ तर कलेजोलाई डिटक्सिफाई गर्ने कुराले कलेजो सफा गर्छ भन्ने कुनै ग्यारेन्टी छैन ।

बजारमा उपलब्ध सबै प्रकारका कलेजो डिटोक्सिफाइ गर्ने उत्पादन मध्ये धेरैको क्लिनिकल परीक्षण पनि गरिएको हुँदैन । कलेजो डिटक्स प्राकृतिक चीजहरूले नै हुन्छ ।

मिल्क थिस्टल – मिल्क थिस्टल एउटा बनस्पति हो जसले प्राकृतिक रूपमा कलेजोलाई डिटोक्सिफिकेसन गर्छ । मिल्क थिस्टलको बीउ सामान्यतया खाइन्छ । यसले कलेजोको हानिकारक विषाक्त पदार्थहरू अवशोषित गर्छ र कलेजोलाई सुरक्षा प्रदान गर्दछ । मिल्क थिस्टलमा एन्टी-इन्फ्लेमेटरी गुण हुन्छ, जसका कारण यसले कलेजो सुन्निन दिँदैन ।

बेसारको अनौठो गुणका बारेमा हामी सबै जानकार छौं । कलेजोको डिटोक्सिफिकेशनमा पनि बेसार बेजोड मानिन्छ । बेसारले सूजन बढाउने अणुहरूलाई मार्छ, जसका कारण कलेजोलाई कुनै पनि प्रकारको रोगबाट जोगाउन सकिन्छ । बेसारमा पाइने कर्क्युमोनोइड्सले कलेजोलाई स्वस्थ राख्न मद्दत गर्छ ।

चुकन्दर : चुकन्दर पनि एउटा एन्टि-इन्फ्लेमेटरी पदार्थ हो, जसमा Betalain नामक फाइटोन्यूट्रिएन्ट पाइन्छ । यसले कलेजोलाई कुनै पनि प्रकारको रोगबाट जोगाउन मद्दत गर्छ ।

तीता – मिठा फलहरू – कागती, सुन्तला जस्ता सिट्रस फलमा फाइटोन्यूट्रिएन्टहरू पाइन्छ जसले कलेजोको कोशिकाहरूबाट कणहरू हटाउँछ । यसले कलेजोको कोशिकालाई स्वस्थ राख्छ । यी चीजहरू बाहेक मौसमी तरकारी, फलफूल, अनाज, गेडागुडी, नट, बीउ, माछा, अण्डा, जैतुनको तेल आदि कलेजोको स्वास्थ्यका लागि राम्रो मानिन्छ ।

सावधानी : स्वास्थ्य सम्बन्धी यो सामग्री समान्य जानकारि तथा परम्परागत मान्यतामा आधारित छ । मानिसको शारिरिक अवस्था र समय अनुसार पनि माथि उल्लेखित कुराहरुको उपलब्धी फरक हुनसक्छ । सम्पुर्णरुपमा यहि कुरामा मात्र भर नपर्नुहोला । माथि उल्लेखित कुराहरु प्रयोग गर्नु अघि स्वास्थ्यकर्मीहरुसँग सल्लाह लिनु उपयुक्त हुन्छ ।