सुनको मूल्य हालसम्मकै उच्च

काठमाडौं । आज सुनको मूल्यले हालसम्मकै उच्च कायम भएको छ ।

आइतबार छापावाल सुनको मूल्य प्रतितोला एक लाख १० हजार ३३ रुपैयाँ पुगेको नेपाल सुन चाँदी व्यवसायी महासंघले जनाएको छ । जुन हालसम्मकै उच्च मूल्य रहेको महासंघका महासचिव धर्म सुन्दर बज्राचार्यले बताए ।

शुक्रबार प्रतितोला एक लाख ७ हजार १०० रुपैयाँमा सुनको खरिद बिक्री भएको थियो । आइतबार दुई हजार ९३३ रुपैयाँले सुनको मूल्य बढेको हो ।

महासंघकाअनुसार आज तेजावी सुनको मूल्य एक लाख ९ हजार ५ सय रुपैयाँ कामय भएको छ भने चाँदीको मूल्य पनि बढेर १३ सय ४५ रुपैयाँ कायम भएको छ ।