नाउपाबाट अध्यक्ष रञ्जिता श्रेष्ठ सरकारमा जाने

काठमाडौं । नागरिक उन्मुक्ति पार्टी (नाउपा)बाट पार्टी अध्यक्ष रञ्जिता श्रेष्ठ चौधरी सरकारमा सहभागी बन्ने भएकी छिन् ।

नाउपाले भूमि व्यवस्था, सहकारी तथा गरिबी निवारण मन्त्रालय पाएको छ । अध्यक्ष रञ्जिताले सोही मन्त्रालय सम्हाल्नेछिन् ।

सत्तारुढ गठबन्धनमा भएको भागबण्डामा नाउपाले एक मन्त्रालय पाउने सहमति भएको थियो ।

यसअघि पनि सरकारलाई विश्वासको मत दिएको नाउपाले जेल जीवन विताइरहेका रेशम चौधरीको रिहाइ नभएसम्म सरकारमा नजाने अडान राख्दै आएको थियो ।