नेपालमा कृषिमा आधारित उद्योगमात्र दिगो हुन्छ : प्रचण्ड

काठमाडौं । नेकपा माओवादी केन्द्रको अध्यक्षय एंम प्रधानमन्त्री पुष्पकमल दाहाल प्रचण्डले कृषिमा आधारित उद्योगमात्र नेपालमा दिगो हुने बताएका छन् ।

नेकपा माओवादी केन्द्रको आयोजनामा भएको सहकारीकर्मीहरुको भेलालाई सम्बोधन गर्दै प्रधानमन्त्री प्रचण्डले भने, ‘नेपालमा कृषिमा आधारित उद्योगमात्र दिगो हुन्छ ।’

कृषिभन्दा बाहिरको उद्योग खोल्न खोजे दिगो नहुने उनको भनाइ छ ।

उनले आर्थिक समृद्धिका लागि कृषि उत्पादनमा जोड दिनुपर्ने बताए । यस वर्षको नीति तथा कार्यक्रममा पनि कृषिलाई प्राथमिकता दिने उनले बताए ।