चितवन २ मा १७ प्रतिशत मत खस्यो

चितवन । चितवन क्षेत्र नम्बर २ मा उपनिर्वाचन जारी छ ।

शान्तिपूर्ण ढंगले बिहान ७ बजेदेखि भइरहेको मतदानमा हालसम्म १७ प्रतिशत मतदान भएको सहायक मतदान अधिकृत ईश्वरी आचार्यले जानकारी दिएका छन् ।

एक लाख २४ हजार छ सय ९५ जना मतदता रहेको यस क्षेत्रमा ४३ स्थलका एक सय ३८ केन्द्रमा मतदान भइरहेको छ ।

मुख्य प्रतिस्पर्धामा रास्वपाबाट रवि लामिछानेसहित नेपाली कांग्रेसका उम्मेदवार जितनारायण श्रेष्ठ र नेकपा एमालेका उम्मेदवार रामप्रसाद न्यौपाने छन् ।

तर, उम्मेदवार लामिछाने र न्यौपानेले भने सो क्षेत्रमा आफूलाई मतदान गर्न पाउने छैनन् । लामिछानेको मतदाता नामावली काठमाडौंमा रहेको र न्यौपानेको मतदाता नामावली चितवन क्षेत्र नम्बर ३ मा रहेकाले मत हाल्न नपाउने भएका हुन् ।