राष्ट्रपति चुनावमा एर्दोगान अगाडि, तर पार्टीको खराब प्रदर्शन

काठमाडौं । टर्कीमा राष्ट्रपति निर्वाचनको मतगणना जारी छ । यो निर्वाचनमा वर्तमान राष्ट्रपति रेसेप तैयप अर्दोनले ४९.४९ प्रतिशत मत प्राप्त गरेका छन् ।

उनका प्रतिद्वन्द्वी कमल कल्चदारलु ४४.७९ प्रतिशत मतका साथ दोस्रो स्थानमा छन् । निर्वाचन परिषद्का अनुसार राष्ट्रपति निर्वाचनमा ९१.९३ प्रतिशत मत गणना भइसकेको छ । तर संसदीय सिटका लागि भएको निर्वाचनमा अर्दोआनको पार्टी एकेपीको प्रदर्शन कमजोर रह्यो। पार्टीले ३५ प्रतिशत मत पाएको छ ।

यी निर्वाचन संसदको ६ सय सिटका लागि भएको थियो । सन् २००२ पछि अर्दोआनको पार्टी एकेपीको सबैभन्दा खराब प्रदर्शन हो। आजको नतिजापछि अर्दोनको पार्टीले २६७ सिट पाउने अनुमान गरिएको छ ।

यो पछिल्लो पटक सुरक्षित सिट भन्दा २८ कम हो । अन्य तीन दलसँगको गठबन्धनका कारण अर्दोनको पार्टीले बहुमतका लागि आवश्यक ५६ सिट प्राप्त गर्न सक्नेछ ।

अर्थात् पार्टीले ३२३ सिट पाउन सक्छ । २०१८ को चुनावमा उनको पार्टीले ३४४ सीट जितेको थियो ।