कोशी सरकारविरुद्ध फेरि अदालत जाँदै एमाले

विराटनगर । कोशी प्रदेशका मुख्यमन्त्री उद्धव थापाले संविधानको हुर्मत लिएर विश्वासको मत लिएको भन्दै नेकपा एमाले बदरको मागसहित सर्वोच्च अदालत जाने भएको छ ।

प्रदेश नियमावली र संविधानका धारालाई छलेर थापाले जबर्जस्ती विश्वासको मत पाएको घोषणा गरिएको भन्दै अदालत जाने तयारी भएको एमाले कोशी प्रदेश संसदीय दलका नेता हिक्मत कार्कीले बताए ।

उनले संसदीय दलले समेत रिट दायर गर्ने निर्णय गरेको बताए । भोलि नै रिट दर्ता गराउने एमालेको तयारी छ ।