बेलायती किशोरद्वारा आफ्नै सहपाठीको हत्या गरेको स्वीकारोक्ति

लण्डन । बेलायतको एक विद्यालयमा छुरा प्रहार गरी एक किशोरको हत्या गरेको अभियोगमा १५ वर्षीय एक किशोरले सोमबार अपराध स्वीकार गरेका छन् । बेलायतमा चक्कु प्रहारबाट भएको पछिल्लो घटनामा १५ बर्षीय किशोरको संलग्नता पुष्टि भएको हो ।

उमेरका कारण नाम उल्लेख गर्न नसकिएका ती किशोरले १५ वर्षीय हार्वे विलगोजको हत्या स्वीकार गरे पनि उत्तरी शहर शेफिल्डमा रहेको अदालतमा भएको सुनुवाइमा उनले हत्या अस्वीकार गरेका छन् । गत फेब्रुअरी ३ मा शहरको अल सेन्ट क्याथोलिक हाइस्कूलको प्राङ्गणमा छुरा प्रहारबाट विल्गोजको मृत्यु भएको थियो ।

एक न्यायाधीशले उक्त किशोरलाई जुन ३० मा मुद्दामाथि उनको उपस्थितिमा सुनुवाई नहुँदासम्म हिरासतमा राख्न आदेश दिएका छन् । यो आक्रमण युवाको संलग्नतामा घातक छुरा प्रहारको शृङ्खलामध्ये एक हो । प्रधानमन्त्री केइर स्टार्मरले चक्कु अपराधलाई ‘राष्ट्रिय सङ्कट’ भनेका छन् ।

‘हाम्रो सुन्दर छोरा हार्वे गुजको निधनले हामी अत्यन्त मर्माहत भएका छौँ,’ छोराको मृत्युपछि विद्यालयको भ्रमणपछि परिवारले जारी गरेको विज्ञप्तिमा भनिएको छ ।

बेलायत सरकारले चक्कु अपराध कम गर्ने उद्देश्यले विभिन्न पहलको घोषणा गरेको छ । आठ इन्च ९२० सेन्टिमिटर० भन्दा बढी को ब्लेड भएको ‘जोम्बी’ शैलीका हतियारहरू राख्न गत सेप्टेम्बरदेखि प्रतिबन्ध लागू भएको थियो ।

करिब १४ देखि २४ इन्चको लामो सिधा ब्लेड र तीखो चुच्चोसहितको हतियार (निन्जा तरवारलाई लक्षित गरी) अर्को प्रतिबन्ध अगस्ट १ देखि लागू हुनेछ । सरकारले जोखिमजन्य अपराध सामग्री ९चक्कु० को उत्पादन गर्ने फर्महरूमाथि कडा प्रतिबन्धहरू ल्याउने बताएको छ ।

गृह मन्त्रालयले भनेको छ कि यदि फर्महरूले प्रहरी चेतावनीको ४८ घण्टाभित्र त्यस्ता सामग्रीहरू हटाउन असफल भएमा ६० हजार पाउन्ड (८० हजार अमेरिकी डलर) सम्म जरिवानाको सामना गर्नुपर्नेछ ।

सन् २०११ देखि इङ्ल्यान्ड र वेल्समा चक्कुको अपराध निरन्तर बढिरहेको सरकारी तथ्याङ्कले देखाएको छ । सन् २०२४ को मार्चसम्ममा इङ्ल्यान्ड र वेल्समा चक्कु वा धारिलो हतियार प्रयोग गरी २६२ जनाको हत्या भएको बेन किन्सेला ट्रस्टले जनाएको छ । हत्या गरिएकामध्ये ५७ जना २५ वर्षभन्दा कम उमेरका किशोरकिशोरी थिए । रासस/एएफपी