ट्रम्पको ‘बिना शर्त आत्मसमर्पण’को सन्देशपछि आयो खामेनीको बयान, के भने ?

काठमाडाैं । इरानका सर्वोच्च नेता अयातोल्लाह अली खामेनीले ट्विटरमा एक पोस्टमा भनेका छन् इरानले ‘इजरायलसँग कहिल्यै शान्ति सम्झौता गर्नेछैन।’ अर्को पोस्टमा उनले ‘युद्ध सुरु भएको छ’ भनि लेखेका छन् ।

यसअघि अमेरिकी राष्ट्रपति डोनाल्ड ट्रम्पले सामाजिक सञ्जालमा ‘बिना शर्त आत्मसमर्पण’ र ‘इरानी सर्वोच्च नेता लुकेर बसेका छन्’ जस्ता कुराहरू लेखेका थिए । यसपछि, अयातोल्लाह अली खामेनीले यस्ताे पोस्ट गरेका थिए ।

खामेनीले लेखे, ‘हामीले आतंककारी यहूदी शासनलाई कडा जवाफ दिनुपर्छ। हामी यहूदीहरूलाई कुनै दया देखाउने छैनौं।’

ट्रम्पले के पोस्ट गरे ?

ट्रम्पले आफ्नो ट्रुथ सोशल अकाउन्टमा लेखेका छन्, ‘हामीलाई राम्ररी थाहा छ कि तथाकथित ‘सर्वोच्च नेता’ कहाँ लुकेका छन्। उनी सजिलो निशाना हुन्, तर उनी अहिले त्यहाँ सुरक्षित छन्।’

ट्रम्पले लेखेका थिए, ‘हामी उनीहरूलाई मार्ने छैनौं, कम्तिमा अहिले त होइन। तर हामी नागरिक वा अमेरिकी सैनिकहरूमाथि मिसाइल प्रहार होस् भन्ने पनि चाहँदैनौं। हाम्रो धैर्यता अब टुट्दै गएको छ।’

जुन १३ मा, इजरायलले इरानको ‘आणविक कार्यक्रम’ सँग सम्बन्धित लक्ष्यहरूमा आक्रमण गर्‍यो। त्यसबेलादेखि, दुई देशहरू बीचको द्वन्द्व जारी छ । बीबीसी