चाडमा झडप, कम्तीमा १७ जनाको मृत्यु

काठमाडौं । चाडको माईयो कब्बी वेस्ट प्रान्तको ओरेगोमेल गाउँमा बिहीबार साँझ भएको भीषण झडपमा कम्तीमा १७ जनाको मृत्यु भएको छ । ती मध्ये धेरै महिला तथा बालबालिका रहेका छन् ।

स्थानीय सञ्चार माध्यमले जनाएका अनुसार, झडपमा १६ जना घाइते भएका छन् । झडपमा संलग्न आक्रमणकारीले भाला, कुटा र अन्य हतियार प्रयोग गरेका थिए ।

सरकारका जनरल डेलिगेट अब्देलमाने खताबले शुक्रबार घटनास्थल पुगेर सुरक्षा व्यवस्था कडाइ गर्न कदम चाल्ने बताए । उनले घटनाको पुष्टि गर्दै यसप्रकारको हिंसालाई रोक्न आवश्यक कदम चालिने बताए ।

यो घटना चाडले हालै मात्रै राष्ट्रिय सुरक्षा बैठक गरेको केही घण्टा पछि भएको हो । त्यहाँ राष्ट्रपतिले सुरक्षाका विषयमा आपतकालीन बैठक बोलाए । चाडमा पछिल्लो समय हिंसा र झडप बढिरहेको देखिन्छ । मे महिनादेखि नै मुलुकभर ५० भन्दा बढी मानिसको मृत्यु भएको रिपोर्ट छन् ।

प्राय: चाडमा हुने झडप प्राय: जमिन, राजनीतिक मतभिन्नता र जातीय द्वेषका कारण हुने गरेका छन् । यसले देशभरिकै सामाजिक सुरक्षा र स्थिरता समस्या बनाएको छ । स्थानीय प्रशासन र सुरक्षाक्षेत्रले स्थिति नियन्त्रणमा ल्याउने प्रयास गरिरहेका छन् भने शान्ति र सुरक्षा कायम गर्न आवश्यक कदम चालिरहेको बताइएको छ । रासस