दोस्रो चौबीसे रनिङ कप फुटबल प्रतियोगिता धनकुटामा

काटमाडौं । धनकुटाको चौबीसे गाउँपालिकाको आर्थिक सहयोग र रारा फुटबल क्लब राजारानीको व्यवस्थापनमा दोस्रो चौबीसे रनिङ कप फुटबल प्रतियोगिता आयोजना गरिएको छ ।

सो खेल पालिकाको केन्द्र राजारानीमा सुरु भएको हो । सो खेल १५ फागुनसम्म निरन्तर रुपमा चल्ने आयोजक चौबीसे गाउँपालिका खेलकुद विकास समितिले जनाएको छ ।

उक्त प्रतियोगितामा गाउँपालिकाका ८ वटै वडाका टिमहरुले भाग लिएको पनि समितिले जानकारी दिएको छ ।

रारा फुटबल क्लबका सचिव युवराज कटुवालले बताए अनुसार सो प्रतियोगिताको प्रथम हुनेले नगद ५५ हजार, द्वितीयले ३५ हजार र तृतीय स्थान हासिल गर्नेलाई २० हजार रुपैयाँ पुरस्कार प्रदान गरिनेछ ।