सुनको मूल्यमा वृद्धि

काठमाडौं । गत साता निरन्तर ओरालो लागेको सुनको मूल्य आइतबार प्रतितोला ८ सय रुपैयाँले बढेको छ ।

छापावाला सुन तोलामा आइतबार प्रतितोला ८ सय रुपैयाँले बढेर ८९ हजार रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

यस्तै शुक्रबार प्रतितोला ८७ हजार ७५० रुपैयाँमा कारोबार भएको तेजाबी सुन आइतबार ८८ हजार ५५० मा कारोबार भइरहेको छ ।

यसैगरी चाँदीको मूल्य पनि प्रतितोला २५ रुपैयाँले बढेको छ । शुक्रबार एक हजार ३०५ रुपैयाँमा कारोबार भएको चाँदी आइतबार प्रतितोला एक हजार ३३० रुपैयाँमा कारोबार भइरहेको महासंघले जनाएको छ ।