तीर्थ श्रेष्ठकाे गजल

गुँडमा बचेरा छन्, चरा चाराको खोजीमा
धरती जलेको छ, मान्छे ताराको खोजीमा

साँझपख अस्ताउनु अघि उदास छ घाम
फेरि उदाउनलाई अर्को सहाराको खोजीमा

जंगल पीठमा बोकेर बसेको छ यहाँ पहाड
तिर्खाले तप्त छ कुनै छहराको खोजीमा

वर्षौंदेखि उभिएको उभियै छ यहाँ रुख
आफूसँग बेरिन आउने लहराको खोजीमा

बाँच्न सकिएन मान्छेको दुष्टताले गर्दा यहाँ
आकाश छ आत्महत्या गर्न पहराको खोजीमा