राघव चड्डा र परिणिती चोपडालाई किन दिइन् ‘आप’ सांसदले बधाई ?

आम आदमी पार्टीका सांसद राघव चड्ढा र बलिउड अभिनेत्री परिणिती चोपडा गत हप्ता मुम्बईमा डिनरको समयमा सँगै देखिएका थिए ।

त्यसयता दुवैको सँगै धेरै कुराहरु भइरहेका छन् । तर, न त इन्कार गरे न त उनीहरुको भविष्य सँगै पुष्टि भयो । राज्यसभा सांसद सञ्जीव अरोराले एक कदम अगाडि बढेर राघव र परिणितीलाई बधाई दिए ।

सञ्जय अरोराले ट्वीट गरेका छन्, ‘म राघव र परिणितीलाई हृदयदेखि बधाई दिन्छु। दुबैमा माया र खुशी रहोस् । मेरो शुभकामना ।’

सञ्जीव अरोराको यो ट्विटको प्रतिक्रियामा धेरैले बधाई दिइरहेका छन्, तर अहिलेसम्म दुवैले भविष्यमा कुनै निर्णय लिने वा लिइसकेका छन् भन्ने स्पष्ट छैन ।

हालै राघव चड्डालाई समाचार एजेन्सी एएनआईले परिणिती चोपडा र विवाहको बारेमा प्रश्न सोधेको थियो, त्यसपछि उनले जवाफमा भने, ‘राजनीतिमा प्रश्न सोध्नुहोस्, परिणीतिमा होइन । यदि विवाहको बारेमा कुनै निर्णय भयो भने, म तपाईंलाई जानकारी दिन्छु ।’

धेरै मिडिया रिपोर्टमा भनिएको छ कि दुवै परिवारले एकअर्कालाई चिन्छन् र दुबै परिवार यस जोडीसँग खुसी छन् । -बीबीसी हिन्दी