फिटनेस : बुढेसकालमा योग अभ्यास गर्नु कत्तिको उपयुक्त ?

काठमाडाैं । वृद्धावस्थामा, मानिसहरू प्रायः व्यायामलाई लिएर चिन्तित हुन्छन् कि यसले फाइदाको सट्टा हानि पुर्‍याउँछ। यस्तो अवस्थामा योग उनीहरूका लागि राम्रो विकल्पका रूपमा देखा परेको छ, जसले फाइदा मात्र पुर्‍याउँछ । भनिन्छ – ६० वर्षको उमेरमा आधिकारिक रूपमा बुढ्यौली सुरु हुन्छ र त्यसपछि जीवनमा स्वास्थ्यमा सुधार धेरै महत्त्वपूर्ण हुन्छ।

यस्तो समयमा योग महत्त्वपूर्ण सहयोग हुन सक्छ। योगको नियमित अभ्यासले शारीरिक सहनशक्ति, लचिलोपन र स्थिरतामा सुधार आउँछ, जसले बुढेसकालका लक्षणहरूलाई कम गर्ने र स्वस्थ मानसिक अवस्था कायम राख्ने काम गर्छ । व्यायामका रूपमा योगले शारीरिक प्रणालीलाई शक्तिशाली बनाउँछ, साथै यसबाट मानसिक शान्ति र मनोवैज्ञानिक लाभ पनि प्राप्त हुन्छ ।

बुढेसकालमा योग गर्दा पाइने फाइदा मध्ये मांसपेशि र तंत्रिकाहरू बलियो हुनु पनि ह‍ो जसले अनुभूतिमा सुधार गर्दछ। त्रिकोणासन, व्रज्रासन र योगमुद्रा जस्ता योग आसनले अपच ठिक पार्न मद्दत गर्छन । यी योग आसनले स्मरणशक्ति र बुद्धिमा पनि सुधार गर्दछन , जसले स्मरणशक्ति र बुढेसकालमा कार्य गर्न मद्दत गर्दछ ।

उमेर बढ्दै जाँदा सास फेर्न सक्ने क्षमता घट्दै जान्छ । यस्तो अवस्थामा उछासन, भस्त्रिका प्राणायाम तथा अनुलोम-विलोम प्राणायाम मार्फत आफ्नो श्वासप्रश्वासको शक्ति बढाउन सकिन्छ । योगको अभ्यासले व्यायाम गर्ने क्षमता बढाउँछ, जुन आवागमन र दैनिक गतिविधिहरूका लागि महत्त्वपूर्ण छ ।