‘भिटामिन के’काे कमीका कारण लाग्ने राेग देखिने लक्षणहरु

रगतमा ‘भिटामिन के’काे कम हुन्छ उनीहरुको फोक्सोमा क्षति हुने सम्भावना बढी हुन्छ । यसको कमी भएका मानिसहरू दम, क्रोनिक अब्सट्रक्टिभ पल्मोनरी डिजिज (सीओपीडी) र घरघराहटबाट पीडित हुन्छन् ।

‘भिटामिन के’ हरियो सागसब्जी, वनस्पतिको तेल र अनाजमा पाइन्छ । यसले रगत जम्नमा भूमिका खेल्छ, र यसैले शरीरलाई घाउ निको पार्न मद्दत गर्दछ । तर, अनुसन्धानकर्ताहरूलाई फोक्सोको स्वास्थ्यमा यसको भूमिकाको बारेमा धेरै कम थाहा छ ।

‘भिटामिन के’ को फाइदाहरूमा हड्डीको स्वास्थ्य सुधार गर्ने र रगत जम्ने कामलाई बढावा दिने समावेश छ । यो एक बोसो-घुलनशील भिटामिन हो जसले मुटुको स्वास्थ्यमा पनि महत्त्वपूर्ण भूमिका खेल्छ । यसले मस्तिष्कको कार्यलाई पनि सुधार गर्छ र क्यान्सरबाट बचाउँछ । ‘भिटामिन के’ ले रगतमा थक्का बन्नका लागि जिम्मेवार प्रोटिनलाई सक्रिय बनाउँछ, त्यसैले यो भिटामिन बिना रगत जम्न सक्दैन ।

खानाबाट लिइएको ‘भिटामिन के’ ले आन्द्राको ब्याक्टेरियालाई असर गर्छ । त्यसैले, शरीरमा ‘भिटामिन के’ को वर्तमान स्तरले आन्द्रा वा पाचन स्वास्थ्यलाई असर गर्छ । ‘भिटामिन के’ का फाइदाहरू मध्ये हृदय रोग रोक्न जस्ता कार्यहरू छन्। अध्ययनले देखाएको छ कि खानाबाट यो भिटामिन बढी प्राप्त गर्नाले हृदय रोगबाट मर्ने जोखिम कम हुन्छ। यसैले ‘भिटामिन के’को कमी धेरै खतरनाक छ।

‘भिटामिन के’ को कमीले लाग्ने रोगः

• भिटामिन के को कमीले तपाईंलाई ओस्टियोपोरोसिस हुन सक्छ ।

• भिटामिन के को कमीका कारण रगतको थक्का बन्दैन, जसका कारण घटनापछि धेरै रगत बग्न सक्छ ।

• यसको कमीका कारण रक्तनली कडा हुन्छ र रक्तसञ्चारमा असर पर्छ ।

• भिटामिन के को कमीका कारण तपाई मुटु रोगको सिकार पनि बन्न सक्नुहुन्छ ।

• गर्भावस्थाको समयमा धेरै समस्याहरू आउने गर्दछ ।

‘भिटामिन के’ कमी हुँदा देखिने लक्षणहरुः

• रक्तस्राव रोक्न समय लाग्ने ।
• अत्यधिक रक्तस्राव ।
• हड्डी कमजोर हुनु र अचानक फ्र्याक्चरको सिकार हुनु ।

भिटामिन के’ को कमी भएमा यी खानेकुरा खानुहोस्

हरियो पातदार तरकारीहरू जस्तै फुल कोभी , केरा , ब्रोकाउली र पालुङ्गोमा सबैभन्दा धेरै भिटामिन के हुन्छ । यसबाहेक केही अन्य खानेकुरामा पनि यो भिटामिन राम्रो मात्रामा पाइन्छ । जस्तै सोयाबिन र शुद्ध तोरीको तेल पनि प्रयोग गर्न सकिन्छ । त्यसैले भिटामिन के को कमीमा यी खानेकुरा खानुहोस् र यसको कमीबाट बच्नुहोला। एवोकाडो, ब्लुबेरी, अन्डा, बदाम र काजुमा उच्च मात्रामा ‘भिटामिन के’ र म्याग्नेसियम हुन्छ ।