यी चलचित्र आउँदैछन ओटीटीमा

काठमाडाैं । अजय देवगनको ‘सिङ्घम अगेन’ र कार्तिक आर्यनको ‘भूल भुलैया – ३’ अहिले थिएटरमा चर्चामा छन् । दुवै फिल्मले बक्स अफिसमा राम्रो कमाई गरिरहेका छन् । यद्यपि य‍ो हप्ता मनोरञ्जनको खुराक थिएटरहरूमा मात्र सीमित छैन । धेरै ठूला चलचित्र तथा वेब शृङ्खलाहरू पनि ओटीटी प्लेटफर्महरूमा रिलिज भैरहेका छन् जसलाई आरामसँग घरमै बसेर हेर्न सकिन्छ । नेटफ्लिक्स देखि प्राइम भिडियो सम्म हरेक प्लेटफर्ममा केहि नयाँ चलचित्र आउँदैछन ।

‘वेट्टैयान’

रजनीकान्त र अमिताभ बच्चन जस्ता ठूला सुपरस्टारलाई सँगै हेर्नु विशेष अवसर भन्दा कम होईन । ‘वेट्टैयान’ मा यी दुई कलाकार ३३ वर्षपछि सँगै देखिएका छन् । यो फिल्म गत महिना हलमा रिलिज भएको थियो र अब ओटीटीमा रिलिज हुने तयारी छ । यो चलचित्र भोलि शुक्रबार नोमेम्बर ८ मा प्राइम भिडियोमा स्ट्रिम हुनेछ । रजनीकान्त र अमिताभ बच्चनको जोडीलाई फेरि पर्दामा हेर्नपाउनु दर्शकहरूका लागि समेत ठूलो अवसर हो ।

‘देवरा – १’

जुनियर एनटीआर, सैफ अली खान तथा जान्वी कपूरको ‘देवरा पार्ट – १’ दक्षिण भारतिय चलचित्र उद्योगको सबैभन्दा प्रतिक्षित फिल्महरू मध्ये एक हो। सैफ र जान्वीले यहि फिल्म बाट दक्षिण भारतिय चलचित्रमा ईन्ट्रि गरेका छन् । यो फिल्म पनि भोलि शुक्रबार , नोमेम्बर ८ मा नेटफ्लिक्समा रिलिज हुँदैछ । थिएटरमा हेर्न नपाएका दर्शकले अब यो चलचित्र घरमै हेर्न पाउनेछन् ।

‘सिटाडेल हनी-बनी’

सामन्था रुथ प्रभु र वरुण धवनको नयाँ शृङ्खला ‘सिटाडेल हनी-बनी’ का लागि दर्शकहरू उत्सुक थिए । अब यो पर्खाइ समाप्त हुँदैछ किनभने यो श्रृंखला आज नोमेम्बर ७ मा प्राइम भिडियोमा रिलीज हुन गैरहेको छ । यो शृङ्खलामा सामन्था र वरुणको जोडी हेर्नु रोमाञ्चक अनुभव हुन सक्छ।

‘द बकिंघम मर्डर्स’

करीना कपूरको ‘द बकिंघम मर्डर्स’ एउटा रहस्यमय फिल्म हो , जुन पहिले थिएटरहरूमा रिलिज भएको थियो । यद्यपि यसले बक्स अफिसमा खासै सफलता हासिल गर्न सकेन । अब यो चलचित्र ओटीटीमा उपलब्ध हुँदैछ । हंसल मेहताले निर्देशन गरेको यो फिल्म भोलि शुक्रबार नोमेम्बर ८ मा नेटफ्लिक्समा स्ट्रिम हुनेछ। रहस्य र सस्पेन्स मन पराउने दर्शकहरूका लागि यो राम्रो खुराक हुन सक्छ ।